2 Lkorinto 13:6 - Samburu

⁶ Kaisilig ajo iyiololo aajo ikiima iyioo inia temata.

2 Lkorinto 13:6 ပူးပေါင်းရင်းမြစ်များ

Rroman 1:28

Naa kore amu eitu edol ninche aajo keichiaakino payie eata Nkai mpaach to mparrunot enche, neicho ꞉Nkai ninche meirukurukore mparrunot enche naatarroitie payie eas mbaa nemeichiaakino.

2 Lkorinto 12:20

Kaurie ajo kebaki naa kairrachu ntae mitiuu ana nayieu tanalotu nitii, naa ikindimdim aatum matiu ana niyieuu. Kaurie ajo kairrachu ntae iatata nchankar o lom o lchut le ngoro o mpiani, niroro mbaa torrok naaipirita ltung'ana, niatata meteteel o nkilacha, neatae loatanya eitorei.

2 Lkorinto 13:10

Kore payie aigero kuna baa ewuon alakuaniki ntae, naa payie eaku mapi tanatum ntae, amu kore nkitoria naaichoo Laitoriani naa payie aitubulunyie ntae namara payie aarie ntae.

2 Lkorinto 13:5

Entisipu ate tanaa itii atua nkurukoto nadede. Entetem ate! Amaa, miyielolo aajo keti Yeso Kristo atua ntae? Tanaa miyielolo, naaku eitu iimiim inia temata.

2 Lkorinto 13:7

Ikiomonoki ntae Nkai payie miasias hoo ntoki torno, namara taa payie etuwuana ikiima ntemata, kake payie iasias ntae mbaa naaichiaakino abaki etuwuana eitu kiim iyioo.