2 Lkorinto 12:21 - Samburu

²¹ Kaurie ajo kore tanaitoki alotu nitii naa kaaitam ꞉Nkai ai anyit atii tenebo o ntae, naisinanio tankaraki ltung'ana kumo oaataasa apa ng'ok, newuon eitu eirriidu aapal ntorrok o mboita e sesen nemeichiaakino o nkulie baa e anyit apa naatomoo.

2 Lkorinto 12:21 ပူးပေါင်းရင်းမြစ်များ

Rroman 13:13

Entaas naichiaakino ana neasi to wong'an, aawueni ta nkanyit namara to lubo, anaa te merai anaa to loloito, anaa ta asat e anyit anaa ta larrabal anaa to lom,

Rroman 9:2

Kaisinanio oleng naata mion nemeyagari taatua ltau lai.

1 Lkorinto 5:1

Ketining'ie ajo ketii mboita torno oleng e sesen atua ntae nemeas abaki ltung'ana lemeyielo Nkai, naa kaaing'asia inia. Kore najoito naa ana, eji keboitiere ltung'ani nkaini e ng'otonye!

2 Lkorinto 10:6

Naa kore payie eaku itining'o iyioo, nimbung'bung lomon lang katukul, nikirretena payie kinteme pooki ng'ae oas ntorno.

2 Lkorinto 12:7

Kore payie mailiepunyie koon tankaraki nenia baa kutuaa e nking'asia naatobolokaki, naapiki lkukuai sesen, aa ilo malaika le Chitani maatooch aiteme naaibooyo payie mailiepunyie koon.

2 Lkorinto 13:2

Kore apa payie aisabaki ntae nkata e are, katilika lolo oaasita ng'ok ana apake naasita tekue o ntae lkulikae pooki, naitoki taata aigil ajoki ntae abaki matii nanu inie makoon, nchere kore tanaitoki alotu nitii naa mapal ntae.

2 Lkorinto 8:24

Naaku entoduaa ninche nchaman inchi, payie edol nkanisani neyielou aajo kedede rrepeta nikirrepita ntae.

Lgalatia 5:19

Keibala asat e mpukunoto torno e ltung'ani aa kuna, loloito o ntolo o asat e anyit,

Lkolosae 3:5

Kore ntoki pooki e mpukunoto inchi nara ne nkop entar metua! Entar naa metuata, mboita e sesen namara na lpayian o ntomononi enye o asat pooki ee aanyit o ntolo o lng'uarra o yieunot torrok o lubo, aa ninye taa sayiata ee nkaitok e sapare.

Lburania 13:4

Keyiere neyanyit pooki ng'ae nkiyema. Nemeata ajo meaku lpayian o ntomononi naaisiligai, amu keiguanare ꞉Nkai ltung'ani oboitere te sesen lpayian anaa ntomononi namara nenye o pooki ng'ae oas loloito.

2 Petero 2:18

Amu kore lolo tung'ana eimer too lomon lemeitoki, neirukurukore ng'uarrat e mpukunoto torno e ltung'ani, nesapaa lolo oaataa keilany ltung'ana oaas ntorrok metaasa mbaa e anyit.

Yuda 1:23

nintejeuu lkulikae aawuapu taatua nkima, nintodoldol lkulie lng'er irritata ate, imbaii abaki nkila enche naiduruko taa mbaa torrok e sesen.

Yuda 1:7

Kore sii apa Sodom o Gomora o lkerenketi oonyikita, naa nejia etaasa ninche tana laaduo malaikani. Ketaasa ninche loloito, neitoki aairukurukore ng'uarrat aas ntabo to mboita e sesen. Neaku apa ninche nkitanyanyukoto amu ketudung'okaki nkiguana e nkima ee ntarasi.

Mbolunoto 21:8

Kake kore ltung'ana gureti o lemeiruk o looitarroitie ate aas asat torrok o loaar ltung'ana metuata o lolo ooboitiere lkulie tung'ana te sesen lamara lpayiani tanaa sii ntomonok enche o lairupok o loaasai nkaitok e sapare o loaasapicho, naa kenang'akini atua lbalbal le nkima napejieki ntoki naji salpa naa ele taa lkiye le oare.>>

Mbolunoto 22:15

Kake ta aulo e ilo kerenket apa etung'ayieki ltung'ana ootuwuana ldein tee nkichoni enche o lairupok o lolo ooboitiere lkulie tung'ana te sesen lamara lpayiani tanaa sii ntomonok enche o loaar ltung'ana metuata o loaasai nkaitok e sapare o pooki ng'ae oacham atasapicho.

Mbolunoto 22:20

Kejo Yeso, ilo oitai limunoto ee kuna baa, <> Metaa nejia, wou Laitoriani Yeso!