2 Lkorinto 12:20 - Samburu

²⁰ Kaurie ajo kebaki naa kairrachu ntae mitiuu ana nayieu tanalotu nitii, naa ikindimdim aatum matiu ana niyieuu. Kaurie ajo kairrachu ntae iatata nchankar o lom o lchut le ngoro o mpiani, niroro mbaa torrok naaipirita ltung'ana, niatata meteteel o nkilacha, neatae loatanya eitorei.

2 Lkorinto 12:20 ပူးပေါင်းရင်းမြစ်များ

Rroman 1:29

Neiput ninche ꞉ntorroni pooki o ntorno o liboi o lmena, neboreii lom o arichoi o nchankar o nkitamaaya o mang'antiticho o nkurrare.

Rroman 1:30

Kera ninche ltung'ana oaar lkulie tee rerei, neiba Nkai, netuata seseni, neilach, negol kuechi, nechetu ntorrok, nemeanyit ntoiwuo enche,

Rroman 2:8

Kake kelaaki ngoro enye napi lolo oaacham ate neany ndedei eirukurukore mbaa torrok.

1 Lkorinto 1:11

Amu, lalachera o nkanachera ainien, kaatiaakita ltung'ana le nkang e Kileo ketii nchankar atua ntae.

1 Lkorinto 14:33

amu kore Nkai naa mara ne ng'olng'ol kake Nkai e seriani. Kore naichiaakino taa nkanisani pooki ee sinyat,

1 Lkorinto 5:2

Eji ilachlach ntae, kake keyiere apa nisinanionio nintaii aaitung'aa nchula inchi ilo tung'ani oataasa ana.

2 Lkorinto 1:23

Kaitache tekue Nkai payie elimu ninye sipata naaipirita, naa tanaa medede ana, neya nkichui ai. Kore payie eitu achukunyie Korinto naa tankaraki namayieu naitanyamal aitoki ntae.

2 Lkorinto 10:2

payie meaku kore tanalotu naaku kapi, amu kajo katumore te mpijan lolo oojo ikiwueni iyioo ana looitore mpukunoto torno e tung'ani.

2 Lkorinto 10:6

Naa kore payie eaku itining'o iyioo, nimbung'bung lomon lang katukul, nikirretena payie kinteme pooki ng'ae oas ntorno.

2 Lkorinto 12:21

Kaurie ajo kore tanaitoki alotu nitii naa kaaitam ꞉Nkai ai anyit atii tenebo o ntae, naisinanio tankaraki ltung'ana kumo oaataasa apa ng'ok, newuon eitu eirriidu aapal ntorrok o mboita e sesen nemeichiaakino o nkulie baa e anyit apa naatomoo.

2 Lkorinto 13:2

Kore apa payie aisabaki ntae nkata e are, katilika lolo oaasita ng'ok ana apake naasita tekue o ntae lkulikae pooki, naitoki taata aigil ajoki ntae abaki matii nanu inie makoon, nchere kore tanaitoki alotu nitii naa mapal ntae.

2 Lkorinto 2:1

Naaku katumuta apa nanu inia kata ajo maisabaki ntae aitanyamal aitoki ltauja linchi.

Lgalatia 5:15

Tinionyanya, nirara maate, entodol naa emindakie ate.

Lgalatia 5:26

Maichoo metaa mikirrep ate, nimiking'elakino anaa kulomo maate.

Yakobo 4:11

Lalachera o nkanachera ainien, emiro ntorrok aakur lkulikae. Kore ilo oiro ntoki torno akur lalache tanaa nkanache enye tanaa eyiaya ake mbae nadung'okinyie nkiguana, naaku mbaa naagilunore inia najo nkitanapat eiro neinguanare nkitanapat. Naa kore tining'uanare nkitanapat, naaku mira loas najo nenia kitanapat, kake ira loiguan nkitanapat.

1 Petero 2:1

Naaku naa enturrai mbaa pooki torrok, nipalpal saparia pooki, nipalpal lom, nimintaakinono, niminyanya meteteel hoo ta mbae naje.

2 Petero 2:18

Amu kore lolo tung'ana eimer too lomon lemeitoki, neirukurukore ng'uarrat e mpukunoto torno e ltung'ani, nesapaa lolo oaataa keilany ltung'ana oaas ntorrok metaasa mbaa e anyit.

Yuda 1:16

Kore kulo tung'ana naa kecham aaing'unyung'unya nemeitoki naitiemu, neirukurukore ng'uarrat enche torrok, neikarrie ate, neitemelok nkutukie payie etum inia nayieu.