2 Lkorinto 12:19 - Samburu

¹⁹ Amaa teneisomakini taata ntae ana palai, ijoijo ntae nkata pooki ikinyokita iyioo aang'oroo ate? Metiu nejia! Ikiro iyioo ana laisiaayiak le Kristo tekue Nkai, naa kore pooki nikijo, sotuatin lainien lacham naa payie eitogol ntae.

2 Lkorinto 12:19 ပူးပေါင်းရင်းမြစ်များ

Rroman 12:19

Loaachami, emintalak ltung'ani teneitaas ntae ntorno, entung'ai metumo ngoro e Nkai, amu keigero ajo, <>

Rroman 14:19

Naaku naa, matonyok aas mbaa naayau sotua o mbaa nikirretenare.

Rroman 15:2

Meatae lobo lang lemeyiere neiting'id likae eitaas supat payie erreten ninye.

Rroman 9:1

Kairorita mbaa naadede amu kara le Kristo namajoito sapare amu katumuse naiteyielo sii Ltau Sinyati.

1 Lkorinto 10:14

Naaku sotuatin lainien lacham, entalam sayiata ee nkaitok e sapare.

1 Lkorinto 10:33

Kaas abaki nanu nejia anyok nkata pooki aaiting'id ltung'ana pooki, namaing'oru inia naaret nanu, kake naret pooki ng'ae payie etum ninche aatejeu.

1 Lkorinto 14:26

Nyo dei ajoito, lalachera o nkanachera ainien? Kore tinitumomo aasai Nkai, enchoo metaa keata lobo linchi sinkolio neata likae nkiteng'ena neata likae mbaa naaibalakinyie ꞉Nkai. Ninchocho meiroro likae nkutuk naidimie ꞉Ltau Sinyati, nelimu likae nejo inia kutuk naidimie ꞉Ltau Sinyati. Entaas inia pooki payie eitogoli nkanisa.

2 Lkorinto 10:8

Kore abaki tanaa kaikonyi aaikarrie nkitoria naichoo iyioo Laitoriani maitubulunyie ntae namara nikiarie ntae, madol hoo anyit.

2 Lkorinto 11:10

Nemeatae hoo loidim aiboi inia kikarra ai too lubot pooki e Akayia. Kaata sipata e inia amu keti sipata e Kristo atua nanu.

2 Lkorinto 11:31

Keyielo Nkai nara Papa la Laitoriani lang Yeso Kristo, ilo oisisi ntarasi, ajo masapicho.

2 Lkorinto 12:15

Kaichooyo ntokitin pooki naata tankaraki ntae te ng'ida, nanang ntae. Amaa, keaku nchaman inchi kini ta nanu tankaraki nacham nanu ntae oleng?

2 Lkorinto 13:10

Kore payie aigero kuna baa ewuon alakuaniki ntae, naa payie eaku mapi tanatum ntae, amu kore nkitoria naaichoo Laitoriani naa payie aitubulunyie ntae namara payie aarie ntae.

2 Lkorinto 2:17

Kore iyioo, mikituwuana lkulie kumo ooitarruo rerei le Nkai aayiarie dupoto, kake ikilikorita mikisudorita toki tekue Nkai, kitii atua Kristo, ana ltung'ana oing'uaa Nkai.

2 Lkorinto 3:1

Amaa, ikingilita dei aitoki aarrep ate? Ana ikiyieu iyioo mpala ana lkulie tung'ana naaitodol ntae aajo oong'ae kira, tanaa mpala inchi nilikinyienyie lkulie tung'ana aajo oong'ae kira?

2 Lkorinto 7:1

Naaku naa sotuatin lainien, kore tankaraki nikiata kulo lekutukie le Nkai, matung'ai ntoki pooki naitarruo seseni o ltauja lang, nikiaku sinyat le Nkai katukul kiurie ninye.

Lpilipi 4:1

Kore naa lalachera o nkanachera ainien nacham oleng nayieu nadol, ikinting'iding'id naa kaikarrie nanu ntae! Entacho katukul taatua Laitoriani, sotuatin lainien, imbungbung inia natiaaka ntae.

1 Ltesalonike 5:11

Naaku entaarriyianata, nintogololo ltauja ana ninkunitata.

Lburania 6:9

Sotuatin lainien lacham, kore abaki kijoito nchi, ikiata sipata naipirita ntae aajo irara ntae lchampa supat olang ilo, naa itumtum njeunoto.