2 Lkorinto 12:16 - Samburu

¹⁶ Kajo ing'amaa naake taata aajo eitu apake aaku nkirochi taa ntae. Kake kejoitoi kore amu kara jartan, naa katipika ntae loseg!

2 Lkorinto 12:16 ပူးပေါင်းရင်းမြစ်များ

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

2 Lkorinto 11:20

Kesipa ing'iriri ntae teneitae ntae rrindiki o teneisimarieki ntae ntokitin o teneitamai ntae o tenemeni ntae o teneitami ntae anyit.

2 Lkorinto 12:13

Amaa, taa oitiei eitu eikeni ntae alang nkulie anisani, mara ake te inia neitu aipotunyie ntae reteto ee ropiyiani? Mara kaomon ntae mpalikinoto eji atuwuana kaitarroyie?

2 Lkorinto 4:2

Kake ikitanya mbaa pooki naaisudoro e anyit, nimikiasichere sapare tanaa kintarruoo rerei le Nkai. Ikimbalie sipata ee Lomon Supati, kiyieu payie esipu pooki ng'ae ta ltau lenye nikitiu tekue Nkai.

2 Lkorinto 6:8

Ikintodolu naa aajo ikisiaaita Nkai oo eyanyiti iyioo tanaa emeni, oo eitarruorri iyioo nkarn tanaa errepi. Kewaki iyioo ana ltung'ana oasapicho kake nikiro iyioo sipata,

2 Lkorinto 7:2

Entang'amai iyioo, meatae ltung'ani likintarrokita, nemeatae likintopong'oitie, nemeatae sii likintamaaita.

1 Ltesalonike 2:3

Kore nkitaarriyiana aang, naa meing'uaa sapare, nemeing'uaa yieunot torrok, nemetii sii loseg.

1 Ltesalonike 2:5

Kore ana niyielolo, naa eitu apake kipuonu nitii te rerei likirrepie ntae, neyielo sii ꞉Nkai ajo eitu kintaakino te likoroto eji payie kisudoo lubo aang.

1 Petero 2:3

amu itoduaa aajo keisupat Nkai.