2 Lkorinto 12:15 - Samburu

¹⁵ Kaichooyo ntokitin pooki naata tankaraki ntae te ng'ida, nanang ntae. Amaa, keaku nchaman inchi kini ta nanu tankaraki nacham nanu ntae oleng?

2 Lkorinto 12:15 ပူးပေါင်းရင်းမြစ်များ

Rroman 9:3

Oi siake duo aa nanu edeki naaitaini taatua Kristo, matanang'a lalachera o nkanachera e lorere lai,

2 Lkorinto 1:14

Kebaki naa mining'ung'u mbaa pooki taata, kake kaisilig ajo ining'ung'u katukul mparri nabo. Kore ta mparri e Laitoriani lang Yeso Kristo, ing'idakinono ntae iyioo niking'idakino sii iyioo ntae.

2 Lkorinto 1:6

Kore teneitami iyioo sina, neaku inia rreten o njeunoto taa ntae, naa tenerreteni iyioo, nitumtum sii ntae rreten ing'iriri ilo sina likiimarita iyioo.

2 Lkorinto 11:11

Aanyo payie mayieu reto inchi? Aa ijoijo macham ntae? Keyielo Nkai ajo kacham ntae!

2 Lkorinto 12:14

Kore naa taata, katerretene payie alotu aisabaki ntae nkata e uni. Namaaku nkirochi taa ntae, amu kore nayieu naa mara ntokitin inchi kake ntae. Kore chiaake naa mara nkera eyiere payie eitengelaki ntoiwuo ntokitin, kake ntoiwuo eyiere neitengelaki nkera enche.

2 Lkorinto 12:9

Kake naajoki, <> Naaku kang'ida oleng, naa alang tanaikarrie mbaa naaitoduaa Nkai, naikarrie mbaa naitachal payie etum ngolon e Kristo atowuana taatua nanu.

2 Lkorinto 2:3

Naaku tankaraki inia payie aigeroka apa ntae ana naigero, amu mayieu apa nalotu inie nitii maaitanyamala ꞉lolo tung'ana ooichiaakino duo naaiting'id, amu kaata sipata naipirita ntae pooki ajo kore ng'ida ai naa ng'ida ee ntae pooki.

2 Lkorinto 4:12

Naaku keyieita iyioo lkiye, kake kore nkichui e Yeso naa keasicho taatua ntae.

2 Lkorinto 7:2

Entang'amai iyioo, meatae ltung'ani likintarrokita, nemeatae likintopong'oitie, nemeatae sii likintamaaita.

2 Lkorinto 7:3

Majoito taa ana adung'oki ntae nkiguana amu katejo apake tekue nchere, irara ltung'ana le tipat oleng tee iyioo metaa ikiwueni tenebo kinchu nikinang nebo.

Lgalatia 4:10

Amaa, iyieuu nitumtum omom e Nkai isiaaitata lkuak linchi le nkubung'ata ee mperot o lapatin o ng'amat o larin?

Lpilipi 2:17

Kore abaki tanaa keibukori lodo lai ana lasar tankaraki nayewua ntae atua nkurukoto, naaku kang'ida nang'ar inia ng'ida tenebo o ntae.

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

1 Ltesalonike 2:8

nejia sii etiu nchaman kitok nikitachama ntae, metaa mara ake Lomon Supati le Nkai aapeny kiyieu nikincho ntae, kake abaki ltauja lang, amu itaa le tipat oleng.

2 Timoti 2:10

Naa kore tankaraki inia, kang'iri mbaa pooki tankaraki lolo ootegelua ꞉Nkai, payie etum sii ninche njeunoto natii atua Kristo Yeso tenebo o nkitoo ee ntarasi.

Lburania 13:17

Entining larikok linchi nintodoyioyio ate taabori ninche, amu ntae eirrita eyielo aajo keipar kenya ꞉Nkai. Entining ninche payie etumoki ninche aataas siaai lenche te ng'ida meata long'unyung'unyi, amu mesupataki ntae inia.