2 Lkorinto 12:14 - Samburu

¹⁴ Kore naa taata, katerretene payie alotu aisabaki ntae nkata e uni. Namaaku nkirochi taa ntae, amu kore nayieu naa mara ntokitin inchi kake ntae. Kore chiaake naa mara nkera eyiere payie eitengelaki ntoiwuo ntokitin, kake ntoiwuo eyiere neitengelaki nkera enche.

2 Lkorinto 12:14 ပူးပေါင်းရင်းမြစ်များ

Asat 20:33

Neitu apa ang'uar ropiyiani anaa nankan e ltung'ani.

1 Lkorinto 10:24

Mincho eaku koon ing'uraki supati, kake nchoo metaa lkulie.

1 Lkorinto 10:33

Kaas abaki nanu nejia anyok nkata pooki aaiting'id ltung'ana pooki, namaing'oru inia naaret nanu, kake naret pooki ng'ae payie etum ninche aatejeu.

1 Lkorinto 11:34

Naa kore tanaa keatae lobo linchi oata sumach, nchoo enya ndaa ta nkang enye payie mipikpik ate atua nkiguana e Nkai tinitumomo tenebo. Kore nkulie baa naa kaitaarriyian kenya ntae tanalotu nitii.

1 Lkorinto 16:5

Kore tanaidip achomo Makedonia nalotu nitii, amu kayieu nang'as aimaa inie.

1 Lkorinto 4:19

Kore ta nkata nataana echam Laitoriani, naa kalotu nitii. Naa kore payie abau inie, mara ake rerei loo kulo tung'ana ooikar alotu ayielou, kake ngolon naata ninche.

1 Lkorinto 9:12

Kore tanaa keatae looichiaakino neng'amu reto taa ntae, mara iyioo naa eichiaakino oleng? Kake eitu chiaake kiyiaya iyioo inia naichiaakino iyioo. Alang nikias inia, niking'iri mbaa pooki payie mikimbooyo hooyia Lomon Supati le Kristo ta mbae ake naje.

1 Lkorinto 9:18

Naaku nyo naa laata ai? Kore tanalikoo Lomon Supati, naichooyo pecheu meti laata, napal inia naaichiaakino nanu te likoroto ee Lomon Supati, naa ninye laata ai.

1 Lkorinto 9:19

Kore abaki ara nanu ltung'ani lamara rrindik loo ltung'ana, kaitaa koon rrindik loo ltung'ana pooki payie atum ateyietu lkumo metaa le Kristo.

2 Lkorinto 1:15

Kasip apake nanu ana, inia payie aterretene aisabaki ntae, payie itumtum mayian aaigil nkatitin are.

2 Lkorinto 11:9

Naa kore apa atii tenebo o ntae, eitu hoo aaku nkirochi to ltung'ani obo, abaki mabore. Amu kore lalachera ootuo eing'uaa apa Makedonia, naa ninche laatereto aicho ntoki pooki naatong'orika. Naaku eitu apake aaku nkirochi taa ntae, namaaku aikata!

2 Lkorinto 12:13

Amaa, taa oitiei eitu eikeni ntae alang nkulie anisani, mara ake te inia neitu aipotunyie ntae reteto ee ropiyiani? Mara kaomon ntae mpalikinoto eji atuwuana kaitarroyie?

Lgalatia 4:19

Nkera ainien kunini, kaata mion ana ntomononi nasaisai, ana metubulu Kristo taatua ntae.

Lpilipi 4:1

Kore naa lalachera o nkanachera ainien nacham oleng nayieu nadol, ikinting'iding'id naa kaikarrie nanu ntae! Entacho katukul taatua Laitoriani, sotuatin lainien, imbungbung inia natiaaka ntae.

Lpilipi 4:17

Namara taa nkichoorot ayieita, kake kayieu payie ing'amaa mayianat naatum ꞉ilo oichooyo.

1 Ltesalonike 2:11

Kore aitoki ana niyielolo, meatae lobo linchi leitu kimbung ana neiko menye teneibung nkera enyena.

1 Ltesalonike 2:8

nejia sii etiu nchaman kitok nikitachama ntae, metaa mara ake Lomon Supati le Nkai aapeny kiyieu nikincho ntae, kake abaki ltauja lang, amu itaa le tipat oleng.