2 Lkorinto 12:10 - Samburu

¹⁰ Kore tankaraki Kristo, nachamaa mbaa naaitaa nanu ltung'ani oachal o tanaitami anyit o tanaaitogolikini o tanaaitami sina o tananyamalu ta ltau. Amu kore nkata nachal, naa inia kata agol.

2 Lkorinto 12:10 ပူးပေါင်းရင်းမြစ်များ

Luka 6:22

Imayianana teneibai ntae ltung'ana, negelaa ntae, nedek ntae, neitarruorri nkarn inchi tankaraki Nkerai e ltung'ani.

Yoana 15:21

Kake keitaas ninche ntae nenia pooki tankaraki nirara lainien, amu meyielo ꞉ninche ilo laairriwua.

Asat 5:41

Neing'uaa lolo Kipaareta atua inia kiguana eng'ida amu keikenaka ꞉Nkai ajo keichiaakino payie enya ꞉ninche sina tankaraki nkarna e Yeso.

Rroman 5:3

Kore nalang inia, naa iking'ida abaki kitii nkiji ee sinaitin, amu ikiyielo nchere tinikiata sina nikiyielou aating'iria,

1 Lkorinto 4:10

Kedol iyioo nkop ana lmada tankaraki Kristo, nedol ntae tana ltung'ana lenyena ng'eni! Nedol iyioo ana loaachal, nedol ntae ana loogol! Keyanyit ntae, nemen iyioo.

2 Lkorinto 1:4

Ninye oitogol iyioo te sina pooki likiata, payie kitum sii aaitogolo lkulie teneimaa sina oje, te inia rreten naterretenie iyioo.

2 Lkorinto 10:18

Amu mara ilo orrep koon etachamayieki, kake ilo otum rrepet ta Laitoriani.

2 Lkorinto 12:9

Kake naajoki, <> Naaku kang'ida oleng, naa alang tanaikarrie mbaa naaitoduaa Nkai, naikarrie mbaa naitachal payie etum ngolon e Kristo atowuana taatua nanu.

2 Lkorinto 13:4

Amu kore abaki tanaa te nchalan etechoki Yeso neri metua to lmusalaba, keichu to ngolon e Nkai. Naa iyielouu aajo kore kitii iyioo atua Kristo naa ikichal, kake ikinchu tenebo o ninye to ngolon e Nkai.

2 Lkorinto 13:9

Kore tanaa ikichal iyioo nigolgol ntae, naa iking'ida. Naa ikiomonoki ntae payie irrinyuonyo aaipid nkoitieii nchi.

2 Lkorinto 4:17

Naa kore ele kiti sina le nkiti kata, naa keitibiraki iyioo matum ng'ida nemelimunoi, kitok alang ele sina le taata.

2 Lkorinto 4:5

Amu mara ate kilikoo iyioo, kake Yeso Kristo kilikoo ana ilo Aitejeunoni oanyutae apa, nikilikoo sii ana Laitoriani. Naa kore iyioo ikira laisiaayiak linchi tankaraki Yeso.

2 Lkorinto 5:15

Ketanang'a ꞉ninye ltung'ana pooki, paa kore lolo oaata nkichui ng'ejuk nemeitoki aawueni eiting'id ate, kake payie ewueni aaiting'id ilo oatanang'a ninche nepiu tankaraki ninche.

2 Lkorinto 5:20

Naaku ikira iyioo looirriwayieki le Kristo, naa Nkai nasaicho taatua iyioo. Kore kilej ntae entemelet o Nkai, naaku Kristo olejita ntae.

2 Lkorinto 6:4

Kake kore to ntoki pooki nikias nikintodolu aajo ikira laisiaayiak le Nkai, kintirring'a aang'iri tinikitum nyamalitin, o tenegoliki iyioo mbaa o tenenya iyioo sina.

2 Lkorinto 7:4

Kaitieu airorie ntae katukul, nang'idare sii ntae oleng. Kore natining'o naipirita ntae naa kaitogolo nanu naiting'id katukul, too kulo sinaitin lang pooki ootumuto iyioo.

Epeso 6:10

Kore mbae naidipie, entogolioto taatua Laitoriani o te ngolon e nkidimata enye.

Lpilipi 1:29

Amu keichoo ntae Nkai munyani tankaraki Kristo, namara ake payie irukruk ninye kake payie itumtum sii sina tankaraki ninye.

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

2 Ltesalonike 1:4

Naaku taa, kore iyioo ikilach tankaraki ntae taa nkanisani e Nkai. Amu kore abaki eitami ntae sina oleng niatata sina kitok, naa iatata ng'iriata o nkurukoto.

Yakobo 1:2

Lalachera o nkanachera ainien, enting'idata katukul, tinitumtum saanat naapaapaacha,

Mbolunoto 2:3

Iting'iria sina tankaraki nanu, neitu inaururu.