2 Lkorinto 12:1 - Samburu

¹ Meatae ajo malo kue aikar, abaki meitoki eret inia. Kake kairo taata mbaa naaitoduaa o naatoboloka Laitoriani.

2 Lkorinto 12:1 ပူးပေါင်းရင်းမြစ်များ

Yoana 16:7

Naa kaliki ntae ndedei nchere, keikach taa ntae tanalo nanu, amu tanamalo naaku melotu Laretoni nitii. Kake tanalo, nairriuu meeu nitii.

Yoana 18:14

naa ninye apa otuutaka laitoriak loo Lyiaudi ajoki, naikach teneye ltung'ani obo anang ltung'ana.

Asat 18:9

Kore nkuarie nabo, neipung'oki ꞉Laitoriani Paulo neirorie ajoki, <

Asat 23:11

Kore inia kuarie neipung'oki Laitoriani Paulo nejoki, <>

1 Lkorinto 10:23

Keidim lobo lang nejo, <> Ee nejia etiu, kake mara ntoki pooki naas naaret. Neidim sii aitoki nejo, <> Ee, kake mara pooki naitogol lkulie.

1 Lkorinto 14:6

Amaa taa lalachera o nkanachera ainien, nyo eret ntae tanalotu nitii nairo to nkutuk naaidimie ꞉Ltau Sinyati namaliki ntae najoito? Meret hoo ntae. Kake kore naret ntae naa tanayaki ntae mbolunoto naing'uaa Nkai tanaa yielounoto ee mbaa e Nkai tanaa naibon tanaa sii nkiteng'ena.

1 Lkorinto 6:12

Keidim lbata lang nejo, <> Kake kore etiu nejia, mara ntoki pooki naas naaret. Kore abaki tanaa keji meitoki naaibooyo payie maas ntoki nayieu, kake Meyiere paaicho ntoki maaitoria.

2 Lkorinto 12:11

Katutuwuana ana lmadai naa ntae likinkuna nejia, amu ntae apa eyiere payie kirreprrep nanu. Kore abaki tanaa meitoki ara, mara nanu kini too lolo lkipaareta kulda ooji le tipat oleng.

2 Lkorinto 12:5

Kaikar tankaraki mbaa naataasate te ilo tung'ani, kake meitoki aikarrie to koon mara ake nchalan ai.

2 Lkorinto 12:7

Kore payie mailiepunyie koon tankaraki nenia baa kutuaa e nking'asia naatobolokaki, naapiki lkukuai sesen, aa ilo malaika le Chitani maatooch aiteme naaibooyo payie mailiepunyie koon.

2 Lkorinto 12:9

Kake naajoki, <> Naaku kang'ida oleng, naa alang tanaikarrie mbaa naaitoduaa Nkai, naikarrie mbaa naitachal payie etum ngolon e Kristo atowuana taatua nanu.

2 Lkorinto 8:10

Ana nduata ai tana bae! Kore te elde ari apa oichunye, naa mara ake itang'asutua aaret sinyat le Nkai, kake ntae lekue oaata yieuna niasiesie inia. Naaku entonyok naa taata endipa ilo siaai metaa kore napa yieuna niatata, nintabayaya te nkiririkinoto ee ntokitin niatata.

Lgalatia 1:12

Neitu ang'amaa to ltung'ani, neitu sii aaiteng'eni, kake Yeso Kristo laatoboloka.

Lgalatia 2:2

Naa kailiepa inie tankaraki mbolunoto naaichoo Nkai. Naiteyielo sii nanu lolo oaata rrepeta Lomon Supati lalikoo tekue loreren, aa nanu ake o ninche. Nataasa ana, payie meaku siaai laasita anaa lataasa le pecheu.

Epeso 3:3

inia kipirte e Nkai naisudoro naaibalakinyieki nanu ana naidipa aigero to ndorropo.

1 Ltesalonike 4:15

Kore tankaraki inia, ikiliki ntae ana natejo Laitoriani, nchere kore iyioo ooichu ootung'ayieki ana metuchukunyie Laitoriani, naa meatae nikinko tinikinturuk tekue lolo ooilurate.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.