2 Lkorinto 11:9 - Samburu

⁹ Naa kore apa atii tenebo o ntae, eitu hoo aaku nkirochi to ltung'ani obo, abaki mabore. Amu kore lalachera ootuo eing'uaa apa Makedonia, naa ninche laatereto aicho ntoki pooki naatong'orika. Naaku eitu apake aaku nkirochi taa ntae, namaaku aikata!

2 Lkorinto 11:9 ပူးပေါင်းရင်းမြစ်များ

Asat 18:3

newuon aasicho tenebo, amu kore apa siaai lenche naa imaii eitibir ana ninye.

Asat 18:5

Kore payie edou Silas o Timoti te Makedonia, neirrachu Paulo eitayia koon aliki Lyiaudi sipat nchere kore Yeso naa ilo Aitejeunoni oanyutae oji Kristo.

Asat 20:33

Neitu apa ang'uar ropiyiani anaa nankan e ltung'ani.

Rroman 15:26

Amu kore ltung'ana le mbata e Makedonia o Akayia naa ketachamaitie aaitai sotua o lolo aisinak sinyat otii Yerusalem.

1 Lkorinto 16:17

Kating'ide oleng payie epuonu Sitepanas o Portunato o Akaiko, amu kore aata ninche tene netuwuana ntae aata.

2 Lkorinto 6:4

Kake kore to ntoki pooki nikias nikintodolu aajo ikira laisiaayiak le Nkai, kintirring'a aang'iri tinikitum nyamalitin, o tenegoliki iyioo mbaa o tenenya iyioo sina.

2 Lkorinto 9:12

Amu kore ele siaai likiasita naa mara ake ltung'ana sinyat le Nkai lemeitoki eata oleng eret, kake keicho sii ltung'ana kumo oleng meichoo Nkai nache.

Lpilipi 2:25

Ikirriwakita apa ꞉ntae lalache lai Epapiroditas, ilo oataasa siaai e Nkai tenebo o nanu nikitama larrabal tenebo kira sikarini le Kristo, naaku kaatereto tee nenia nayieu. Nadol ajo keichiaakino tanairruaki ntae

1 Ltesalonike 2:6

Eitu sii kiyiaya rrepeta too ltung'ana, paa taa ntae tanaa too lkulikae.

1 Ltesalonike 2:9

Lalachera o nkanachera, entaparru naa nyuata o siaai ogol likitaasa! Ikitaasichiete kuarie o parkiji, payie mikiaku nkirochi to ltung'ani, kilikita ntae Lomon Supati le Nkai.

Lburania 11:37

Netanang'aki lkulie aar metuata too soito, nesachi lbata lenche katare, neri lkulie metuata taa lalema, nebik lkulie eichopito ndapan ee nkineji o nee nkerra, neng'oriki mbaa e nkichon, neitami sina, neri metuata.