2 Lkorinto 11:3 - Samburu

³ Kore ana apa natasapa lasurai to loseg lenye Awa, kaurie ajo keitarruorri mparrunot inchi metaa mekure irara ltung'ana ooisiligai, lemeata ntioto to sotua oaata o Kristo.

2 Lkorinto 11:3 ပူးပေါင်းရင်းမြစ်များ

Matayo 24:24

Amu kepuonu kenya looitaakino Kristo o looitaakino loibonok le Nkai, neitodolu nkitodolunot kutuaa o mbaa e nking'asia, payie teneidimai, neitopong'oo abaki lgelunot.

Yoana 8:44

Kore ntae naa irara nkera e papa linchi Chitani, niyieuu niasias mbaa naang'uar ninye ataasa. Kore ninye naa larani apake ta ng'asunoto oar ltung'ana metuata, nemeitache ta mbata e ndedei, amu metii ndedei atua ninye. Kore payie esapicho ninye naaku mbaa naatiu te ninye eiro, amu lasapani ninye nera aitoki menye saparia.

Rroman 12:8

Kore ilo oitogol lkulie, nchoo eitogol te inia kichooroto enye, naa kore ilo oichooyo, nchoo eichooyo ta ltau supat, kore ilo oitacheki lkulie ta nkanisa, nchoo eitacheki to nyuata, kore ilo oing'er, nchoo eing'er te ng'ida.

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

2 Lkorinto 11:20

Kesipa ing'iriri ntae teneitae ntae rrindiki o teneisimarieki ntae ntokitin o teneitamai ntae o tenemeni ntae o teneitami ntae anyit.

2 Lkorinto 11:29

Ng'ae ilo oachal payie maiseyie inia chalan enye? Amaa tenetopong'ori ltung'ani, mara kaning mion oleng ta ltau lai?

2 Lkorinto 2:17

Kore iyioo, mikituwuana lkulie kumo ooitarruo rerei le Nkai aayiarie dupoto, kake ikilikorita mikisudorita toki tekue Nkai, kitii atua Kristo, ana ltung'ana oing'uaa Nkai.

2 Lkorinto 4:2

Kake ikitanya mbaa pooki naaisudoro e anyit, nimikiasichere sapare tanaa kintarruoo rerei le Nkai. Ikimbalie sipata ee Lomon Supati, kiyieu payie esipu pooki ng'ae ta ltau lenye nikitiu tekue Nkai.

Lgalatia 1:6

Kaing'asia nanu tankaraki isiokiki aaing'uaa ilo oipoto ntae entewueni taatua munyani e Kristo, nimbelekenyakinono lkulie omon lamara Lomon Supati.

Lgalatia 2:4

Naa ikichomo inie tankaraki lalachera ooiteng'enicho sapare, ootuo atua iyioo too nkurrat aaikitalan lakunoto ang nikiata taatua Kristo Yeso. Keyieu apa neitaa iyioo rrindiki loo nkitanapat e Musa,

Lgalatia 3:1

Lagalatia kulo oaamada, ng'ae oirupo ntae? Mara tekue nkonyek inchi eibalunyeki nchere Yeso Kristo etechoki?

Lgalatia 4:11

Kaurie ajo, katonyua aisiaai ntae pecheu.

Epeso 4:14

Naaku mikintoki aaku nkera naanang'aa laing'ok le nkare idie o idie, nenia naaya siwuo pooki le nkiteng'ena ee ltung'ana oaasapicho o loaata losegin, neitopong'oo metijing'a atua losegin le sapare.

Epeso 4:22

Keiteng'en ntae inia entuburkuchu lwuenet linchi le apa, ilo oyieu mpukunoto inchi torno naitarrorrita yieunot torrok o sapare, nirukurukorere.

Epeso 6:24

Metaa munyani e Nkai tenebo o ꞉lolo pooki oaacham Laitoriani lang Yeso Kristo te nchaman nemeyagari.

Lkolosae 2:18

Emincho hoo ltung'ani ojo keitodoyio koon nesai lmalaikani edung'oki ntae nkiguana. Kore ltung'ani laijo ilo naa mbaa naadol ake eitirrichaki, neiliepunyie koon pecheu tankaraki ee mparrunot e tung'anicho.

Lkolosae 2:4

Najo kuna payie meata ltung'ani osap ntae tee rereii oomelok le sapare.

Lkolosae 2:8

Entodol payie meatae ake ltung'ani oitaa ntae ltung'ana ooteenikaki nkiteng'ena e pecheu e sapare. Kore inia naa lkerreti loo ltung'ana eirukurukore ooirichakino nkitanapat e ana kop, namara Kristo.

1 Ltesalonike 3:5

Tankaraki inia, kore payie eaku merokure aidim ating'iria, nareu Timoti payie ayielou nkurukoto inchi, aurie ajo kebaki netetema ntae ilo atemani, netaa siaai lang le pecheu.

1 Timoti 1:3

Kaareki ajoki iyie payie ibik te lkerenket le Epeso, ana naatiaka apake aloito Makedonia, payie intanap lbata loo tung'ana teinie pee meiteng'enicho nkiteng'ena e sapare,

1 Timoti 2:14

Namara apa Adam etasapa ꞉Chitani, kake ntomononi etasapa, neas ng'oki.

2 Timoti 3:13

kake kore ltung'ana torrok o lasapak naa kepuo ake kue aarroyo oleng, esapicho, nesapi sii ninche.

Tito 1:10

Amu keatae ltung'ana kumo lemeyanyit rikore, lolo ooiro mbaa nemeata tipat nera lasapak, naleng lolo Yiaudi ooiruko Yeso.

Lburania 13:9

Emincho eitopong'oo ntae mbaa kumo naapaachere nkiteng'ena ang. Keichiaakino metaa munyani e Nkai etumie ltauja lang ngolon, mara nkibung'ata ee nkitanapat naaipirita ndaa nemeret abaki lolo ooirukurukore nenia kitanapat.

2 Petero 3:17

Naaku naa, lacham lainien, kore amu iyielolo ana ewuon eitu easai, errita ate payie meitopong'oo ntae nkiteng'ena e sapare ee lolo aitarruok, nirria aaing'uaa nkitachoto inchi.

2 Petero 3:3

Kore nalang pooki enteyielo nchere, kepuku ltung'ana oikordodicho tee mperot e nkiting'oto. Naa kore ninche keirukurukore ng'uarrat enche aaikordodicho

1 Yoana 2:18

Nakera, etaa nkata e nkiting'oto ana, naa kore ana nitining'o aajo kore ilo oiba Kristo naa kelotuta, eidipa naa taata lkumo ooiba Kristo aaotu. Naa ana oitiei kiteyielounyie aajo ketaa nkata e nkiting'oto.

1 Yoana 4:1

Lacham lainien, emiiruk ltau pooki, kake entisipu ltauja payie iyielouu tanaa Nkai eing'uaa, amu ketijing'a nkop ꞉loibonok kumo le sapare.

Yuda 1:4

Amu keteleliakinete atua ntae ltung'ana ooigerokaki apa nkiguana ewoun eng'or. Kore ninche naa ltung'ana lemeyanyit Nkai, neibelekenya munyani e Nkai ang aaitaa nkoitiei naasie asat e aanyit, neany Yeso Kristo oara ninye apeny lkitok, naa ninye apeny Laitoriani lang.

Mbolunoto 12:15

Nenyok inia meu aitaya ntomononi nkare nang'oru aimunyie nkutuk enye.

Mbolunoto 12:9

Nenang'uni inia meu sapuk, ilo asurai le apa oji Lairirua anaa Chitani, oatasapa neitopong'oo ltung'ana le nkop pooki. Nenang'akini nkop tenebo o lmalaikani lenyena.

Mbolunoto 20:2

Neibung inia meu, ꞉ilo asurai le apa laa ninye eji Lairirua neji Chitani, neen nenang'aki lodo le nkop metowuana larin 1,000. Neiken lodo le nkop, nerip nkutuk payie mesap ꞉inia meu lochon ana meeichunye larin 1,000. Kore payie eichunye inia kata, neaku meata ajo meboluni te nkini kata dorrop.