2 Lkorinto 11:26 - Samburu

²⁶ Kalo echi oleng nkopi kumo, naajo nkare iwa tee seriak, naajo lapurrok o ltung'ana lainien o loo lkulie oreren entar matua. Katumo ana tee lkerenketi o te lkees o ta mpaso, o taa lalachera le sapare.

2 Lkorinto 11:26 ပူးပေါင်းရင်းမြစ်များ

Asat 13:45

Kake kore payie edol Lyiaudi inia kumoi ee ltung'ana, neiput ninche lom neng'asu aany lomon le Paulo ejo medede inia najoito esujuta ninye.

Asat 13:50

Kake nepuo Lyiaudi aajoki ntomonok naayanyiti neurie Nkai o lkutuaa le ilo kerenket mbaa nainyoyie yieuna naitamie Paulo o Barnabas sina, nemiraa ninche to nkop enche.

Asat 14:19

Nepuonu lkulikae Yiaudi ta Antiok o Ikoniam nerrepaki lolo tung'ana metara Barnabas o Paulo. Nenang Paulo aar too soito, neikurtutaa aaipung'ie taatua ilo kerenket ejo ketua.

Asat 14:5

Nenyok Lyiaudi o lolo kulie oreren o larikok lenche aaitam Lkipaareta sina nejo entar too soito metuata.

Asat 15:40

negelu ꞉Paulo Silas. Kore payie epik ꞉lalachera o nkanachera ninye nkaina e Laitoriani meing'ura te munyani enye, nelo aaing'uaa inie.

Asat 17:13

Kore payie eitoki Lyiaudi le Tesalonike aayielou aajo ketilikoyie sii ꞉Paulo rerei le Nkai te Berea, nepuonu aainyoyie ltung'ana meeing'olng'olata teinie.

Asat 17:5

Neiput Lyiaudi lom, neipotu lkuti tung'ana torrok taatua lolo lemeitoki easita te inie. Naa kore payie eiturrurru ltung'ana, neing'olng'ol ilo kerenket. Nepuo aagil nkaji e Yason eing'oru Paulo o Silas taatua inie payie eya tekue ltung'ana.

Asat 18:12

Kore era Galio larikoni kitok loo Rroman oitore nkop e Akayia, neinyuototo Lyiaudi tanaboicho aarare Paulo, neyau tekue nkiguana

Asat 19:1

Kore etii Apolos Korinto nelo Paulo Epeso tee nkejek aim nkoitiei naimaa ldonyuo, neirrachu teinie lkuti ooiteng'eni

Asat 19:23

Kake kore te inia ng'amata, neipung'u long'olng'oli kitok oleng te Epeso taa mbaa naipirita Nkoitiei e Laitoriani.

Asat 20:19

Kaisiaayia Laitoriani to mborron pooki o te sina, natumo ntemat kutuaa tankaraki nayieu ꞉Lyiaudi payie aar matua.

Asat 20:3

newuon teinie lapatin okuni. Kore etaa keinyuototo alang nkare alo Siria, neyielou ajo keyieita ꞉Lyiaudi neiko tenear ninye metua, nedung arrinyo alo aim Makedonia.

Asat 23:10

Neaku inia nchankar kitok, neguretu laduo kitok loo sikarini pooki ootalakua duo Paulo, ejo kebaki naa keichu lolo tung'ana ninye. Nejoki sikarini meyau ninye teinie nabokata atua inia kampi enche.

Asat 25:3

Nelej aaomon metachamai meyauni ꞉Paulo Yerusalem, amu ketama apa ninche tenebo aajo keany nkoitieii aar ninye metua, kake keisudorie Peseto inia bae.

Asat 27:42

Nemut sikarini aajo kear lolo mampuusi metuata payie metum mpaach nalopie nkare aaisig.

Rroman 15:19

o taa asat naaitodolu nkitoo enye o taa mbaa e nking'asia o to ngolon e Ltau Sinyati. Paa kore ang'asu te Yerusalem o lubot naanyikita ana metabaki mbata e Ilirikum, nalikoo Lomon Supati le Kristo to ng'oji pooki.

Rroman 8:35

Ng'ae oidim atoorie iyioo chaman e Kristo? Keidim sa nyamali anaa sina? Oo sa teneitam iyioo ltung'ana sina, tanaa tenear iyioo sumach, tanaa tinimikiata nkilani, tanaa tenetum iyioo ntoki nagol, tanaa teneri iyioo matuata?

1 Lkorinto 15:30

Oo iyioo, aanyo payie kipik ate atua larrabal nkatitin pooki?

1 Lkorinto 15:32

Amaa, ijoijo nyo sa atum payie arare ng'uesi e lkerenket le Epeso? Tanaa naa meitipiuni lootuata metumo nkichui, mataas naa ana nejo Lkigerot Sinyat nchere, <>

2 Lkorinto 11:32

Kore apa ati lkerenket le Damasikas, neicho larikoni otii taabori nkitoria e lkinkii Aretas sikarini meterripo ilo lkerenket pooki, payie aatum aaibung'a.

Lgalatia 2:4

Naa ikichomo inie tankaraki lalachera ooiteng'enicho sapare, ootuo atua iyioo too nkurrat aaikitalan lakunoto ang nikiata taatua Kristo Yeso. Keyieu apa neitaa iyioo rrindiki loo nkitanapat e Musa,