2 Lkorinto 11:23 - Samburu

²³ Kera ninche laisiaayiak le Kristo? Kore tanairo aiko nchi, naa kairorita ana lmadai. Kara laisiaayiani lenye alang ninche, natonyuaa aas siaai alang ninche. Kaateenaki te jila alang ninche, naaidong'oki alang ninche, natinyikaka nkatitin kumo lkiye.

2 Lkorinto 11:23 ပူးပေါင်းရင်းမြစ်များ

Asat 14:19

Nepuonu lkulikae Yiaudi ta Antiok o Ikoniam nerrepaki lolo tung'ana metara Barnabas o Paulo. Nenang Paulo aar too soito, neikurtutaa aaipung'ie taatua ilo kerenket ejo ketua.

Asat 20:23

Kake kore too lkerenketi pooki naa kaaitodolita Ltau Sinyati aitisipu ajo kaaeni, natum sina.

Asat 21:11

Kore payie ebau nikitii, neya nkeene e nkiji e Paulo neen koon nkaik o nkejek nejo, < >>

Asat 25:14

Kore etibiko ninche mperot kumo teinie, nenyaki ꞉Peseto ilo kinkii lomon le Paulo payie ening nejo. Nejoki, <

Asat 27:1

Kore payie eimieki aajo ikidir meli aapuo nkop e Itali, nepiki Paulo o lkulie tung'ana ooteenaki tenebo o ninye nkaik e lkitok oji Yulias, oitore lturrur loo sikarini ooirrita Kaisari.

Asat 28:16

Kore payie kibau Rrom, neichori Paulo metowuana ta nkaji apeny, neata ꞉sikarii orrip ninye.

Asat 28:30

Kore taa larin oare, newuon Paulo te inia aji nalaki, neitoomon lolo pooki ootuo netii.

Asat 9:16

Naa kaitodol nanu ninye newua sina laa meata ajo metum tankaraki nkarna ai.>>

Rroman 8:36

Ana naigero ajo, <>

1 Lkorinto 15:10

Kake kara nanu ntoki nara tankaraki munyani e Nkai, naa kore inia munyani naaichoo Nkai, eitu eaku ne pecheu. Katonyua alang ninche pooki, naa mara nyuata ai nataasa inia, kake munyani e Nkai nati tenebo o nanu.

1 Lkorinto 3:5

Nyo dei Apolos? Naa nyo Paulo? Ikira ake iyioo laisiaayiak oaatasichiere Nkai payie irukuruk ntae. Meatae tee iyioo lamara ilo siaai ake otegelaka ꞉Laitoriani easita.

1 Lkorinto 4:1

Enteyielo aajo ikira iyioo laisiaayiak le Kristo ooichooki metaa laing'urak loo mbaa naaisudoyieki apa e Nkai.

1 Lkorinto 4:11

Kore o taata ikiata sumach o nkure, mpurdat kinchopito neritae iyioo, nimikiata nikimanya.

1 Lkorinto 4:9

Kadol ajo ketipika iyioo Nkai kira lkipaareta le Yeso mataa ltung'ana le siedi, ana ltung'ana otudung'okaki nkiguana e lkiye eing'orita ꞉nkop pooki o lmalaikani, eng'ida.

2 Lkorinto 10:7

Oriong ee mbaa dei ake ing'oritata ntae. Kore ilo oata sipata ta ltau lenye ajo kera le Kristo, naa keichiaakino payie eitoki aparraa nchere kore ana nara ninye le Kristo, naa ikira sii iyioo.

2 Lkorinto 11:5

Madol hoo nanu koon atuwuana kara kini too lolo kipaareta kulda ooji kutuaa.

2 Lkorinto 3:6

Keidimie ninye iyioo mataa laisiaayiak lo lning'o ng'ejuk, lemeirichakino nkitanapat naaigero kake Ltau Sinyati eirichakino. Amu kore nenia kitanapat naigero naa lkiye eyau, kake Ltau Sinyati oicharu nkichui ng'ejuk.

2 Lkorinto 4:11

Amu kore ake ewuon kinchu naa keichori chiaake iyioo matuata tankaraki Yeso, payie eibalunyieki nkichui enye tee seseni lang oomutari.

2 Lkorinto 6:9

ana lemeyieloi kake neyieloi iyioo, ana loaataa keye kake newuon ake kinchu. Ketoduaki iyioo ana looitemioki kake neitu eri iyioo matuata,

Lgalatia 6:17

Naa kore ang'asu taata, enchoo metaa meatae ltung'ani laaitanyamal, amu kaata nanu lminchiria latumo tankaraki Yeso te sesen lai.

Epeso 3:1

Tankaraki inia paa kore nanu Paulo, oena tankaraki nara le Kristo Yeso o tankaraki natilika ntae, ltung'ana lamara loo Lyiaudi Lomon Supati, naomon Papa.

Epeso 4:1

Naaku, kore nanu oena tankaraki naisiaaita Laitoriani, kaitaarriyian ntae entewueni te nkichon nairirikino nkupototo naipotoki ntae entaa ltung'ana le Nkai.

Epeso 6:20

lolo laa tee ninche ara nanu loirruaayieki le Kristo oena. Naaku Entoomonokaaki payie atum airoro te mpijan ana nayiere payie airo.

Lpilipi 1:13

payie etum sikarini pooki le Kaisari o ltung'ana pooki otii ene aateyielo aajo kaena tankaraki Kristo.

Lpilipi 2:17

Kore abaki tanaa keibukori lodo lai ana lasar tankaraki nayewua ntae atua nkurukoto, naaku kang'ida nang'ar inia ng'ida tenebo o ntae.

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

Lkolosae 1:29

Naa kore payie etum inia atabai, kanyokita oleng to ngolon enye naasicho taatua nanu.

1 Ltesalonike 3:2

nikimpaaki ntae Timoti, lalache lang oisiaai Nkai tenebo o iyioo te likoroto ee Lomon Supati le Kristo, meitogolo neitaarriyian ntae to nkurukoto inchi.

1 Timoti 4:6

Kore tininteng'en lalachera o nkanachera kuna baa, niaku laisiaayiani supat le Kristo Yeso, neitodolu inia ajo itubulua taatua rerei le nkurukoto o le inia kiteng'ena supat nirukurukore.

2 Timoti 1:16

Meing'erru Laitoriani nkang e Onesiporo, amu kaaitogolo nkatitin kumo neitu edol anyit tankaraki naena,

2 Timoti 1:8

Naaku midol anyit tinimbalie inia sipata niata naipirita Laitoriani lang, tanaa sii kiduaaki nanu anyit, oena tankaraki ninye. Kake tama sina tenebo o nanu tankaraki Lomon Supati, te nkiririkinoto e ngolon nikinchoo ꞉Nkai.

2 Timoti 2:9

Kore tankaraki nalikorita kulo Omon Supati naanya sina ana maateeni eji kara laitarruoni. Kake meena rerei le Nkai.

Pilemon 1:9

Kore naas tankaraki nchaman, kaalej nanu ꞉Paulo, lpayian arrarri oena taata tankaraki Kristo Yeso.

Lburania 10:34

Ing'urrie ntae lolo ooteenaki te jila, nitachamaitie te ng'ida meewae ntokitin inchi amu iyielolo aajo iatata ntokitin e tipat naabik ntarasi nianyutata naalang nenia naawaki.