2 Lkorinto 11:14 - Samburu

¹⁴ Naa mara nking'asia inia amu kore abaki Chitani naa keibelekeny koon aitaakino lmalaika le wong'an!

2 Lkorinto 11:14 ပူးပေါင်းရင်းမြစ်များ

2 Lkorinto 11:3

Kore ana apa natasapa lasurai to loseg lenye Awa, kaurie ajo keitarruorri mparrunot inchi metaa mekure irara ltung'ana ooisiligai, lemeata ntioto to sotua oaata o Kristo.

2 Lkorinto 2:11

payie metumoki Chitani atupurro iyioo amu ikiyielo aajo keitorrok losegin lenyena.

Lgalatia 1:8

Kake kore abaki tanaa iyioo anaa lmalaika oliki ntae lomon supati oaapaachere likitilikita ntae, naa nchoo etum ldeket le Nkai.

Epeso 6:12

Amu mikinya iyioo larrabal aarare ltung'ana, kake ikirere laitoriak o lolo oaata nkitoo, nikirere looitore ana kop e naimin, nikirere sii lairiruani torrok otii loing'ang'e.

Lkolosae 1:13

Netalakua iyioo aitung'aa nkitoria e naimin nepik iyioo atua nkitoria e Nkerai enye nacham,

Mbolunoto 12:9

Nenang'uni inia meu sapuk, ilo asurai le apa oji Lairirua anaa Chitani, oatasapa neitopong'oo ltung'ana le nkop pooki. Nenang'akini nkop tenebo o lmalaikani lenyena.