2 Lkorinto 10:8 - Samburu

⁸ Kore abaki tanaa kaikonyi aaikarrie nkitoria naichoo iyioo Laitoriani maitubulunyie ntae namara nikiarie ntae, madol hoo anyit.

2 Lkorinto 10:8 ပူးပေါင်းရင်းမြစ်များ

2 Lkorinto 1:24

Amu mikinyokita aisimaki ntae embung'a nenia nirukuruk, tankaraki ikiyielo aajo itarrapate aitibiraki to nkurukoto. Kore iyioo naa ikiasicho tenebo o ntae payie iwuenini te ng'ida.

2 Lkorinto 10:4

Kore masaa ang nikinyayie larrabal naa mara masaa ee ltung'ana, kake keata ngolon ta Nkai nikindakie neogol ee lmang'ati le Nkai. Nikindakie mparrunot e sapare,

2 Lkorinto 10:9

Kajoito ana payie mikidoldol atuwuana kayieu naituria ntae taa mpala ainien.

2 Lkorinto 12:19

Amaa teneisomakini taata ntae ana palai, ijoijo ntae nkata pooki ikinyokita iyioo aang'oroo ate? Metiu nejia! Ikiro iyioo ana laisiaayiak le Kristo tekue Nkai, naa kore pooki nikijo, sotuatin lainien lacham naa payie eitogol ntae.

2 Lkorinto 12:6

Kore abaki duaake tanaa kayieu naikarrie nenia baa, maaku sii lmadai amu sipata ake alimuta. Kake maikarrie payie meatae ltung'ani laailiepie aitalang inia natoduaa ninye tanaa natining'o ta nanu.

2 Lkorinto 13:10

Kore payie aigero kuna baa ewuon alakuaniki ntae, naa payie eaku mapi tanatum ntae, amu kore nkitoria naaichoo Laitoriani naa payie aitubulunyie ntae namara payie aarie ntae.

2 Lkorinto 13:8

Meatae nikindim aataas payie kimbooyo sipata, kake mbata e sipata ake kindim aatijing.

2 Lkorinto 7:14

Katerrepa apa ntae tekue Tito, neitu kintamtam nkop. Kake kore ana nikitilikita chiaake ntae sipata, naaku kore inia rrepet naipirita ntae nikitilikita Tito naa ketaa kedede.

2 Lkorinto 7:4

Kaitieu airorie ntae katukul, nang'idare sii ntae oleng. Kore natining'o naipirita ntae naa kaitogolo nanu naiting'id katukul, too kulo sinaitin lang pooki ootumuto iyioo.

Lgalatia 1:1

Nanu Paulo Lkipaaret le Yeso oigero ana palai, namara ltung'ana laaitaa anaa ltung'ani aimua, kake kaimua Yeso Kristo o Nkai Papa, ilo oitipiwua ninye too lootuata.

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.