2 Lkorinto 1:5 - Samburu

⁵ Amu kore ana nikiimarita sina o mion ana naimayie Kristo, naaku ikiata sii iyioo rreten kitok nemeiting taatua ninye.

2 Lkorinto 1:5 ပူးပေါင်းရင်းမြစ်များ

Luka 2:25

Eti apa Yerusalem ltung'ani oji nkarna enye Simion, nera ltung'ani loosipat neurie Nkai. Neanyuta payie eitogoli ltauja loo ltung'ana le Isirael, netii Ltau Sinyati tenebo o ninye.

Asat 9:4

Nenang nkop, nening ltoilo ojo, <>

Rroman 8:17

Naa tanaa nkera e Nkai kira, ikira sii lootum tenebo o Kristo inia naisiligie iyioo Nkai, naa tanaa iking'ar sina lenye, iking'ar sii nkitoo enye.

Lpilipi 1:20

Kore ntoki naanyuta naisiliguta sii oleng naa payie meatae ntoki naanyayie ꞉anyit. Naisilig ana chiaake naas maata ngureticho katukul ajo, kore to pooki naasai te sesen lai, o aichu o atua, netum Kristo rrepeta.

Lpilipi 2:1

Kore tanaa kitogolito tankaraki nikimbung'are Kristo, neitogolo ltauja lang ꞉nchaman enye, nikiata nchula e Ltau Sinyati, nikiata nanai e nkocheke o lng'ur too lkulie,

Lpilipi 3:10

payie ayielou Kristo oleng, nayielou sii inia ngolon naitipiwua ninye aitung'aa lootuata. Nayielou sii netiu tanang'arie sina, natuwuanai ninye te lkiye lenye,

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

1 Petero 4:13

Kake kore iimaritata sinaitin ootuwuana le Kristo enting'idata, paa kore teneibalunyieki nkitoo enye nitumtum ng'ida kitok oleng.