2 Lkorinto 1:24 - Samburu

²⁴ Amu mikinyokita aisimaki ntae embung'a nenia nirukuruk, tankaraki ikiyielo aajo itarrapate aitibiraki to nkurukoto. Kore iyioo naa ikiasicho tenebo o ntae payie iwuenini te ng'ida.

2 Lkorinto 1:24 ပူးပေါင်းရင်းမြစ်များ

Matayo 24:49

Neng'asu aidong lolo kulie aisiaayiak, nerrutucho, nematicho tenebo o lamerak,

Rroman 1:12

Kore najoito naa ana, nchere kayieu nalotu inie nitii payie kitum aitogoloto to nkurukoto niking'ar tenebo, aitogol nanu ntae to nkurukoto ai, nikintogolgol sii ntae nanu te ninchi.

Rroman 11:20

Kedede inia, keteng'eruaki ninche tankaraki nemeata nkurukoto, naa irubakino iyie tiniwuon taatua nkurukoto. Minkar, kake tuureicho!

Rroman 5:2

Ketoboloka iyioo Yeso Kristo nkoitiei nikibakinyie to nkurukoto ana munyani nikitii taata atua, niking'idare siligi le nkitoo e Nkai likitum.

1 Lkorinto 15:1

Kore taata lalachera o nkanachera ainien, kayieu naitaparru ntae Lomon Supati latilika apa ntae, lolo litang'amaitie nirukutoto nisiligitata sii.

1 Lkorinto 3:5

Nyo dei Apolos? Naa nyo Paulo? Ikira ake iyioo laisiaayiak oaatasichiere Nkai payie irukuruk ntae. Meatae tee iyioo lamara ilo siaai ake otegelaka ꞉Laitoriani easita.

2 Lkorinto 11:20

Kesipa ing'iriri ntae teneitae ntae rrindiki o teneisimarieki ntae ntokitin o teneitamai ntae o tenemeni ntae o teneitami ntae anyit.

2 Lkorinto 4:5

Amu mara ate kilikoo iyioo, kake Yeso Kristo kilikoo ana ilo Aitejeunoni oanyutae apa, nikilikoo sii ana Laitoriani. Naa kore iyioo ikira laisiaayiak linchi tankaraki Yeso.

2 Lkorinto 5:7

Amu to nkurukoto kipuoito iyioo, mara taa mbaa naalioo.

1 Petero 5:3

Nimimbookiki lolo ootipikaki nkaik inchi nkop, kake entaa nkitanyanyukoto supat naduaaya ninche.