2 Lkorinto 1:17 - Samburu

¹⁷ Naaku, amaa apa payie arretena, ketuwuana kataasa eitu aing'uraa aitibiraki? Naa amaa tanadung aterretenai, kaas ana ltung'ana le nkop oojo, keas mbae eyielo ake aajo meas?

2 Lkorinto 1:17 ပူးပေါင်းရင်းမြစ်များ

Matayo 1:19

Kore tankaraki kera apa Yosep, lpayian lenye, ltung'ani loosipat, nemeyieu neitam ninye anyit, neyieuu ta ltau neleliari aing'uaa ninye.

Matayo 5:37

Enchoo inchi metaa o metaa amu kore nkae namara ana, naa ilo torno eing'uaa.

Yoana 8:15

Idung'okiki ntae ltung'ana nkiguana ana ltung'ana, namadung'oki ꞉nanu hoo ltung'ani obo.

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

2 Lkorinto 11:18

Kake kore tankaraki natii lkumo ooikar ana naaikar ltung'ana, kaikar sii nanu.

Lgalatia 1:16

payie aaboloki mateyielo Nkerai enye, paatum atiliki loreren Lomon Supati lenyena. Kore inia kata, neitu ayiaya nkitaarriyiana nabokata to ltung'ani,

Lgalatia 2:2

Naa kailiepa inie tankaraki mbolunoto naaichoo Nkai. Naiteyielo sii nanu lolo oaata rrepeta Lomon Supati lalikoo tekue loreren, aa nanu ake o ninche. Nataasa ana, payie meaku siaai laasita anaa lataasa le pecheu.

1 Ltesalonike 2:18

Naa inia payie ikiyieu nikipuonu nitii. Kore abaki nanu Paulo mara nkata nabo atejo wou, kake neibooyo iyioo Chitani.

Yakobo 5:12

Kore nalang mbaa pooki, lalachera o nkanachera ainien, emimanyare chumata tanaa nkop tanaa sii nkae toki. Kake enchoo <> inchi metaa <>, neaku <> inchi, <>, payie medung'oki ake iyioo Nkai nkiguana torno.