2 Lkorinto 1:1 - Samburu

¹ Kore ana palai naa nanu Paulo eing'uaa, oara te yieuna e Nkai, Lkipaaret le Yeso Kristo, ilo Aitejeunoni oanyutae apa, neing'uaa sii lalache lang Timoti. Ikiroroki nkanisa e Nkai nati Korinto o sinyat pooki ootii nkop e Akayia.

2 Lkorinto 1:1 ပူးပေါင်းရင်းမြစ်များ

Asat 16:1

Nebaya Paulo o Silas lkerenket le Derbe neitoki sii aapuo le Lisitira. Netii inie loiteng'eni oji Timoti, oara ng'otonye ntito ee Lyiaudi nairuko Yeso, nera papa lenye loo Lgirriki.

Rroman 15:26

Amu kore ltung'ana le mbata e Makedonia o Akayia naa ketachamaitie aaitai sotua o lolo aisinak sinyat otii Yerusalem.

Rroman 16:21

Eiroroki ntae Timoti, oasicho tenebo o nanu, neiroroki sii ntae Lusio o Yason o Sosipita, oaara ltung'ana lo lorere lang.

Rroman 16:5

Eroroki aitoki nkanisa nati nkaji enche, nirorokiki sii sotua lai lacham oji Epaneto, ilo oara ltung'ani lekue ta mbata e Asia oibelekenyakine Kristo tankaraki likoroto ai,

1 Lkorinto 10:32

Entaa lemeata nakurrieki tekue Lyiaudi o Lgirriki o ltung'ana le Nkai.

1 Lkorinto 16:10

Kore tenelotu Timoti nitii, enchoo metaa kewuon taatua ntae meata ntoki naurie, amu Laitoriani sii eisiaaita ꞉ninye ana nanu.

1 Lkorinto 16:15

Iyielolo naa aajo kore Sitepanas o nkang enye, naa ninche apa ltung'ana lekue ooibelekenyete aairuk Laitoriani to nkop e Akayia, neitaitua ate tankaraki nkisiaayiare ee ltung'ana le Nkai. Kalej naa ntae lalachera o nkanachera ainien,

1 Lkorinto 16:24

Metaa nchaman ai tenebo o ntae taatua Kristo Yeso.

1 Lkorinto 6:11

Nejia apake etiu lbata linchi kake keitukoyieki ntae ng'ok, neitisinyaki ntae, neitaaki iyioo loosipat ta nkarna e Laitoriani Yeso Kristo o ta Ltau le Nkai ang.

2 Lkorinto 1:19

Amu kore nkerai e Nkai Yeso Kristo otilika ntae ꞉Silpanas o Timoti o nanu lomon lenyena, eitu elotu aaku <> o <> Kake taatua ninye eimie Nkai ntoki pooki ajo <>,

2 Lkorinto 1:23

Kaitache tekue Nkai payie elimu ninye sipata naaipirita, naa tanaa medede ana, neya nkichui ai. Kore payie eitu achukunyie Korinto naa tankaraki namayieu naitanyamal aitoki ntae.

2 Lkorinto 11:10

Nemeatae hoo loidim aiboi inia kikarra ai too lubot pooki e Akayia. Kaata sipata e inia amu keti sipata e Kristo atua nanu.

2 Lkorinto 9:2

Amu kayielo ajo iyieuu oleng payie iretret ninche, naa tankaraki inia payie arrep ntae tekue ltung'ana le Makedonia ajoki, <> Naa nyuata inchi nainyoyie ltung'ana kumo le Makedonia metaasa inia.

Lgalatia 1:1

Nanu Paulo Lkipaaret le Yeso oigero ana palai, namara ltung'ana laaitaa anaa ltung'ani aimua, kake kaimua Yeso Kristo o Nkai Papa, ilo oitipiwua ninye too lootuata.

Lgalatia 3:26

Irara taata pooki nkera e Nkai to nkurukoto taatua Laitejeunoni Yeso.

Epeso 1:1

Nanu Paulo, oataa Lkipaaret le Yeso Kristo ana nayieu Nkai paaku, oiroroki sinyat otii Epeso, ooisiligai taatua ilo Aitejeunoni oaanyutae apa oji Yeso.

Lpilipi 1:1

Kore ana palai naa keing'uaa Paulo tenebo o lalache lang Timoti oaara laisiaayiak le Yeso, ilo Aitejeunoni oanyutae apa. Ikiroroki sinyat pooki le Kristo Yeso ootii Pilipi, tenebo o larikok o laisiaayiak le nkanisa enche.

1 Ltesalonike 1:1

Kore nanu Paulo o Silpanas o Timoti, naa ikiroroki nkanisa ee Ltesalonike nawuon taatua Nkai Papa o Laitoriani Yeso Kristo, metowuana munyani o sotua taatua ntae!

1 Ltesalonike 3:2

nikimpaaki ntae Timoti, lalache lang oisiaai Nkai tenebo o iyioo te likoroto ee Lomon Supati le Kristo, meitogolo neitaarriyian ntae to nkurukoto inchi.

2 Ltesalonike 1:1

Kore nanu Paulo o Silpanas o Timoti naa ikiroroki nkanisa ee Ltesalonike nawuon taatua Nkai Papa lang o Laitoriani Yeso Kristo.

1 Timoti 1:1

Kore ana palai naa nanu Paulo eing'uaa, ilo oataa Lkipaaret le Kristo Yeso te nkitanapata e Nkai nara Laitejeunoni lang o Kristo Yeso oara siligi lang.

2 Timoti 1:1

Nanu Paulo, oitaaki Lkipaaret le Kristo Yeso te yieunoto e Nkai, laairoroki iyie Timoti nkerai ai nacham. Kaaitaaki apa Lkipaaret payie aitabaki ltung'ana lkilikuai le lekutuk oitayia apa Nkai le nkichui natumi taatua Kristo Yeso. Metaa munyani o lng'ur o seriani, naing'uaa Nkai Papa o Kristo Yeso Laitoriani lang tenebo o iyie.

Tito 1:1

Kore ana palai naa keing'uaa Paulo laisiaayiani le Nkai nera sii lkipaaret le Yeso Kristo. Kaaterewuaki payie aretu loogeluno le Nkai metubulu to nkurukoto neyielou ndedei, amu keiteng'en inia dedei meturia Nkai.

Pilemon 1:1

Kore nanu Paulo oena tankaraki Laitejeunoni Yeso o lalache lang Timoti, naa ikiroroki iyie Pilemon lchore lang likicham, kiasaki Nkai siaai tenebo.

Lburania 13:23

Kayieu niyielouu aajo ketalakuaki lalache lang Timoti te jila. Naa kore tanaa kesieku alotu natii, nalotu aisabaki ntae tenebo o ninye.