1 Yoana 5:19 - Samburu

¹⁹ Nikiyielo aajo ikira le Nkai, naa kore nkop pooki naa keti taabori nkitoria e ilo mang'antita torno.

1 Yoana 5:19 ပူးပေါင်းရင်းမြစ်များ

Luka 4:6

Nejoki ꞉Chitani, <

Yoana 12:31

Kore taata, keiguanareki ana kop, naa taata emirari ilo oitore ana kop aaipung'ie aulo.

Yoana 14:30

Merekure airorie ntae mbaa kumo, amu kelotuta ilo oitore ana kop. Meata ninye ngolon ta nanu,

Yoana 16:11

Neibalakinyie sii ndung'oto e nkiguana nchere kore loitore ana kop, neidipaki aatudung'oki nkiguana torno.

Yoana 17:15

Kore naamonito, naa mara payie intai ninche aitung'aa nkop, kake payie irrip te ilo torno.

Rroman 8:16

Ilo Tau olimu sipata tenebo o ltauja lang ajo ikira iyioo nkera e Nkai.

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

2 Lkorinto 4:4

Keikeno ꞉Chitani nara nkai ena kop nkonyek enche metaa medolicho, aibooyo payie medol wong'an naitoong'aki ninche ꞉Lomon Supati, naa kore inia wong'an naa Kristo oara nkitanyanyukoto nadede e Nkai.

2 Lkorinto 5:1

Ikiata sesen le ana kop otuwuana nkaji e nkiti kata namanya nkichui ang. Naa Ikiyielo aajo kore kenya teneidaari ele sesen, ikiata te chumata sesen oicho iyioo Nkai, oaku nkaji nabik ntarasi neitu eitibir nkaina e ltung'ani.

Lgalatia 1:4

Ilo laa ninye oichorua koon tankaraki ng'ok ang, pee etum atalaku iyioo taa mbaa torrok e ana kop, ana yieunoto e Nkai Papa lang.

Epeso 2:2

Ipuoyieyie apa nenia oitiei naapuoyie ltung'ana lemeyielo Nkai. Nirukurukorere ilo oirirua oitore nkitoria e loing'ang'e, oasicho taata taatua lolo lemening Nkai.

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

Tito 3:3

Amu ikira abaki apa iyioo lmada, nimikining'icho, neitopong'ori iyioo, nikira rrindiki loo ng'uarrat torrok o mbaa kumo naaiting'id seseni. Nikiwuenie nkiba o lom, eibae iyioo nikimbaro.

Yakobo 4:4

Lotung'ana kulo lemeisiligai! Amaa, miyielolo aajo kore tinichamumu ntokitin e ana kop niakuku lmang'ati le Nkai? Naaku kore pooki ng'ae oacham ntokitin e ana kop, neitaa koon lmang'antita le Nkai.

1 Yoana 3:14

Kore naa amu ikicham iyioo lalachera lang, naaku ikiyielo aajo ikitung'aitie iyioo lkiye nikijing atua nkichon. Amu kore ilo lemecham lalache lenye naa atua lkiye etii.

1 Yoana 3:24

Kore ilo ooibung nkitanapat enyena newuon taatua ninye, newuon sii ꞉ninye taatua ilo. Naa te ilo Tau oichoo ꞉ninye iyioo kiyielou aajo kewuon ninye taatua iyioo.

1 Yoana 5:10

Kore loiruk Nkerai e Nkai naa keata sipata naipirita inia limunoto ta ltau lenye. Naa kore ilo lemeiruk Nkai naa keitasapicho ninye, amu eitu eiruk inia sipata natilimua Nkai, naipirita Nkerai enye.

1 Yoana 5:13

Kaigeroka ntae kuna baa, ntae taa ooiruk nkarna e Nkerai e Nkai, payie iyielouu aajo iatata nkichon ee ntarasi.

1 Yoana 5:15

Naa kore tankaraki nikiyielo aajo kening iyioo to pooki nikiomonu, naaku ikiyielo aajo ikitumo te ninye nenia pooki nikitoomonutua.

1 Yoana 5:18

Ikiyielo aajo, kore pooki oino ta Nkai naa mechekino aas ng'oki, kake keirrita ꞉ilo inoti le Nkai metaa meiseyie ilo mang'antita ninye.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.

Mbolunoto 12:9

Nenang'uni inia meu sapuk, ilo asurai le apa oji Lairirua anaa Chitani, oatasapa neitopong'oo ltung'ana le nkop pooki. Nenang'akini nkop tenebo o lmalaikani lenyena.