1 Yoana 5:14 - Samburu

¹⁴ Naa ana nkiteunoto nikiata ta Nkai, nchere kore tinikiomonu ntoki te nkiririkinoto e yieunoto enye, naa kening iyioo.

1 Yoana 5:14 ပူးပေါင်းရင်းမြစ်များ

Matayo 21:22

Naa kore pooki niomonmon Nkai to nkurukoto, naa itumtum.>>

Yoana 11:42

Kayielo ajo ikining chiaake nkatitin pooki, kake atejo ana tankaraki kulo tung'ana ooitachoo tene, payie etum aairuko aajo ikirriwua iyie nanu.>>

Yoana 14:13

Naa kore pooki niomonunu ta nkarna ai naa kaitaas ntae, payie etum Papa nkisisa te Nkerai enye.

Yoana 15:7

Kore tiniwuenini taatua nanu newuon rerei lai taatua ntae, naaku kore ntoki pooki niyieuu, entoomonu neichori ntae.

Yoana 16:24

Kore o taata meatae ntoki nitoomonutua ta nkarna ai. Entoomonu, naa ing'amaa payie etum ng'ida inchi atoboreyia.

Yoana 9:31

Ikiyielo aajo mening ꞉Nkai loo ng'ok, kake tenetii ꞉ltung'ani ourie Nkai neas ana nayieu ninye, naaku kening ꞉Nkai ninye.

Epeso 3:12

ilo laa taatua ninye ikiata nkitieunoto nikindim aaotunyie netii Nkai to nkurukoto, mikiata ngureticho.

Lburania 10:35

Naaku eminturraa nkiteunoto inchi, amu keyau laata kitok.

Lburania 3:14

Amu ikiata sotua tenebo o Kristo, tinikimbung aaitirrichaki inia sipata nikiata apake tekue payie kiruk ninye, ana metabau nkiting'oto e nkop.

Lburania 3:6

Kore sii ilo Aitejeunoni apa oanyutae naa keisiligai te nkitachekinoto ee ltung'ana le Nkai, amu kera ninye Nkerai e Nkai. Naa ikira iyioo lolo tung'ana lenyena tinikimbung aaitirrichaki ilo siligi lang liking'idare nimikincho metigilata iyioo ltauja.

Yakobo 4:3

Naa kore tiniomonunu, mitumtum amu iomonunu to nkoitiei torno, iyieuu payie iasicherere taa mbaa naaiting'id seseni linchi.

Yakobo 5:16

Naaku naa, erriidu ng'ok inchi, imbalakinono likae o likae, niomonokinono payie eichiunyieki ntae. Kore nkomono e ltung'ani loosipat naa keata ngolon oleng.

1 Yoana 2:28

Nakera! Kore taata, entibik taatua ninye, paa kore teneibalunyieki, nikintieu aitacho tekue ninye, nemenya iyioo anyit to lotunoto enye.