1 Yoana 5:11 - Samburu

¹¹ Naa ana inia sipata nchere keichoo iyioo Nkai nkichon nemeiting naa kore ana kichon naa atua Nkerai enye etii.

1 Yoana 5:11 ပူးပေါင်းရင်းမြစ်များ

Matayo 25:46

Naa kepuo ninche meitemei ntarasi, kake kore loosipat nepuo atua nkichon ee ntarasi.>>

Yoana 1:19

Ana taa limunoto e Yoana, payie erewaki apa ꞉larikok loo Lyiaudi ootii Yerusalem laitainok la lasar o laretok lenche ta nkaji e Nkai, meipara ninye aajoki, <>

Yoana 1:4

Naa ketii atua ninye nkichui, naa kore inia kichui naa ninye wong'an ee ltung'ana.

Yoana 10:28

Kaicho nanu ninche nkichon nemeiting, nemeidaari aikata, nemeatae loidim atowuapai ninche ta nkaina ai.

Yoana 12:50

Naa kayielo ajo kore naaitanapa Papa naa payie ayeu nkichon nemeiting. Naaku kore pooki najo, najo ake ana naatiaka Papa tejo.>>

Yoana 14:6

Nejoki ꞉Yeso, <

Yoana 19:35

Kore ltung'ani otoduaa inia, netilimua sipata enye payie itumtum airuko. Naa kore inia sipata natilimua ninye naa kedede, neyielo ninye ajo ndedei eiro.

Yoana 3:36

Kore pooki oiruk Nkerai e Nkai neata nkichon nemeiting. Naa kore pooki lemening inia Kerai nemeichamcham inia nkichon, kake kore ngoro e Nkai naa kewuenie ninye.

Yoana 4:36

Kore abaki taata, ketumuto loodung'uto lchampa laata, ebosuta lng'anayio le nkichon ee ntarasi, metaa kore ilo oun o ilo odung lchampa neng'ida tenebo.

Yoana 4:4

Naa meatae ajo meimaa apa ꞉ninye Samaria eloito.

Yoana 5:21

Naa kore ana naitipiu ꞉Papa lootuata neicho nkichui, naa nejia sii eiko ꞉Nkerai teneicho nkichui lolo oyieu neicho.

Yoana 5:26

Kore ana naa Papa oichooyo nkichui, eitaa sii ꞉Nkai Nkerai enye, metaa ninye oichooyo nkichui.

Yoana 6:40

Amu kore nayieu ꞉Papa lai, naa metaa kore pooki ng'ae ooing'or Nkerai enye neiruk, netum nkichon nemeiting. Naa kaitipiu nanu ninche te inia parri e nkiting'oto.>>

Yoana 6:47

Kajoki ntae sipata nadede, kore ilo oiruk naa keata nkichon nemeiting.

Yoana 6:68

Newoliki ꞉Simon Petero ajoki, <

Rroman 5:21

metaa kore ana neikuna ng'ok payie eng'asu aaitoricho neyau lkiye, neitoricho sii munyani to nkoitiei e sipata nayau nkichon ee ntarasi aimu Yeso Kristo Laitoriani lang.

Rroman 6:23

Amu kore laata ee ng'ok naa lkiye, kake kore nkichooroto e pecheu e Nkai naa nkichon ee ntarasi taatua Kristo Yeso Laitoriani lang.

1 Timoti 1:16

Kore abaki apa aa nanu ojool lolo ltung'ana loo ng'ok, naa keitodolua Kristo Yeso newua ng'iriata enye ta nanu. Naa keaku ana nkitanyanyukoto too lolo pooki kenya oopuonu aairuk ninye payie etum nkichon ee ntarasi.

Tito 1:2

Kore ana dedei naa keicho ninche siligi le nkichon ee ntarasi, le lekutuk oitayia apa ꞉Nkai ewuon apake eitu eitibiruni nkop, nemesapicho Nkai.

1 Yoana 2:25

Naa kore lekutuk oitaka ninye iyioo naa ele: nkichon ee ntarasi.

1 Yoana 4:10

Kore nchaman naa ana: Mara iyioo oaatachama Nkai, kake ninye natachama iyioo, nereu Nkerai enye peaku lasar loo ng'ok ang.

1 Yoana 4:9

Naa nchi eikuna Nkai payie eitodolu nchaman enye tee iyioo, nchere eirriwua inia Kerai enye nabo ake naino, meeu nkop payie eaku ninye kinchiwue.

1 Yoana 5:10

Kore loiruk Nkerai e Nkai naa keata sipata naipirita inia limunoto ta ltau lenye. Naa kore ilo lemeiruk Nkai naa keitasapicho ninye, amu eitu eiruk inia sipata natilimua Nkai, naipirita Nkerai enye.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.

1 Yoana 5:7

Naa Ltau Sinyati olimu sipat, amu kore ilo Ltau naa ndedei.

3 Yoana 1:12

Kerrepita ltung'ana pooki Demeterio, nerrepita abaki ꞉Ndedei koon. Kore abaki iyioo naa ikintaita limunot enyena supati, niyielo sii iyie ajo kore limunoto ang naa kesipa.

Yuda 1:21

Entewueni taatua nchaman e Nkai, iyanyutata lng'ur la Laitoriani lang Yeso Kristo meitabaki ntae nkichon ee ntarasi.

Mbolunoto 1:2

Nelimu Yoana sipata e inia pooki natoduaa naipirita lomon ooing'uaa Nkai ootilika ꞉Yeso Kristo.

Mbolunoto 22:1

Naaitoki ꞉lmalaika aitodol sere naing'uaa nkare e nkichui, naong ana nkilaas nerukunyie eing'uaa lorika le nkitoo le Nkai o lo Lkuo leker,