1 Yoana 5:10 - Samburu

¹⁰ Kore loiruk Nkerai e Nkai naa keata sipata naipirita inia limunoto ta ltau lenye. Naa kore ilo lemeiruk Nkai naa keitasapicho ninye, amu eitu eiruk inia sipata natilimua Nkai, naipirita Nkerai enye.

1 Yoana 5:10 ပူးပေါင်းရင်းမြစ်များ

Yoana 3:16

Amu nchi etiu nchaman natachama ꞉Nkai nkop, nchere keicherua Nkerai enye ake nabo inoti, paa kore pooki ng'ae oiruk ninye, nemeidaaya kake ketum nkichon ee ntarasi.

Yoana 3:18

Kore pooki ng'ae oiruk ninye nemedung'okini nkiguana torno, kake kore pooki ng'ae lemeiruk neidipaki aatudung'oki nkiguana torno, tankaraki neitu eiruk inia Kerai ake nabo inoti e Nkai.

Yoana 3:33

Naa kore pooki ong'amaa inia limunoto, neiken ajo kesipa Nkai.

Yoana 5:38

nemebik rerei lenye taatua ntae, tankaraki mirukuruk ilo oirriwua ꞉ninye.

Rroman 8:16

Ilo Tau olimu sipata tenebo o ltauja lang ajo ikira iyioo nkera e Nkai.

Lgalatia 4:1

Kore najoito naa ana, kore ake ewuon era lajung'oni nkerai, mepaachere rrindik, oo duo aa nenyena ntokitin pooki.

Lgalatia 4:6

Naa kore amu ikira nkera e Nkai, eterewua ꞉Nkai Ltau le Nkerai enye atua ltauja lang, eichir ajo, <>

Lkolosae 3:3

Kore ta mbata ee mbaa e nkop, naa ituata apa naa kore taata, keisudoyieki nkichui inchi taatua Nkai tenebo o Kristo.

Lburania 3:12

Entodol naa, lalachera o nkanachera, payie meatae ake lobo linchi oata ltau torno lemeiruk oibelekenya aing'uaa Nkai naichu.

2 Petero 1:19

Naaku ikiata abaki taata sipata oleng e lkilikuai oatamautua apa loibonok le Nkai. Naa keisupat taa ntae tining'orng'or inia natejo ninche, amu inji etuwuana ana lkilang'ilang'et oilu ta naimin ana meyeu wong'an e siran, neipung'u lakira le siran taa ltauja linchi.

1 Yoana 1:10

Kore tinikijo eitu kias ng'ok, nikintaa ninye losapicho, naaku meti rerei lenye atua iyioo.

1 Yoana 5:1

Kore pooki oiruk ajo kore Yeso naa Kristo, ilo Aitejeunoni oaanyutae apa, naa inoti le Nkai. Naa kore ilo oacham Papa naa kecham sii inia Kerai enye.

Mbolunoto 12:17

Negoro meu tankaraki inia tomononi, nelo aitai larrabal o nkulie kera e inia tomononi, naaning Nkitanapata e Nkai neata limunoto naipirita Yeso.

Mbolunoto 2:17

Kore ilo oata nkiyok, nchoo ening inia najoki ꞉Ltau Sinyati nkanisani. << >>