1 Yoana 4:7 - Samburu

⁷ Lacham lainien, matachamata amu kore nchaman naa Nkai eing'uaa. Naa kore pooki oachamicho naa keino ta Nkai, neyielo Nkai.

1 Yoana 4:7 ပူးပေါင်းရင်းမြစ်များ

Yoana 13:34

Ana nkitanapata ng'ejuk naichoo ntae, entachamata. Kore ana natachama nanu ntae, entachamata sii ntae.

Yoana 17:3

Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

1 Lkorinto 8:3

Kake kore ltung'ani oacham Nkai naa ilo tung'ani eyielo ꞉Nkai.

2 Lkorinto 4:6

Kore Nkai natejo, <> naa ninye ake naitowong ltauja lang payie eibalie yielounoto e nkitoo e Nkai naong'u to nkomom e Kristo.

Lgalatia 4:9

Naa kore taata iteyieloutua Nkai, anaa matejo eteyielowua ntae Nkai, aji naa inkoko aitoki tinirrinyokinono nkitanapat ena kop nemeata ngolon, nemeata tipat? Rrindiki lenche aitoki iyieu niakuku?

Lgalatia 5:22

Kake kore lng'anayioi la Ltau Sinyati naa nchaman o ng'ida o seriani o ng'iriata o nanai e nkocheke o supaticho o ltau oisiligai

2 Timoti 1:7

Amu eitu eicho iyioo Nkai ltau le ngureticho, kake keichoo iyioo ltau le ngolon o nchaman o nkubooroto e koon.

1 Petero 1:22

Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.

1 Yoana 2:10

Kore pooki oacham lalache lenye naa keti atua wong'an, nemeata ntoki taatua ninye naitopong'oo metaasa ng'oki.

1 Yoana 2:29

Kore tanaa iyielolo aajo kera ninye lopeny sipat, iyielolo sii aajo kore pooki oas sipata naa ꞉ninye otiiwua.

1 Yoana 2:3

Nikiata sipata aajo ikiyielo ninye tinikimbung nkitanapat enyena.

1 Yoana 2:4

Kore pooki ng'ae ojo, <> nemeibung nkitanapat enyena naa kesapicho, nemeti ndedei atua ninye.

1 Yoana 2:7

Lacham lainien, mara nkitanapata ng'ejuk aigerokita ntae, kake musana niatata apake ta ng'asunoto. Kore inia kitanapata musana naa ilo rerei lindipa aatining.

1 Yoana 3:9

Meatae hoo loino ta Nkai oas ng'oki, amu keti lantararai le Nkai atua ninye, nemeas ninye ng'oki amu keino ninye ta Nkai.

1 Yoana 4:11

Lacham lainien, kore amu ketachama iyioo Nkai aiko inji, keiririkino sii tinikichama iyioo.

1 Yoana 4:12

Meatae aikata ꞉ltung'ani otodua Nkai. Naa tanaa ikichama maate, newuon Nkai taatua iyioo, neitabayieki nchaman enye taatua iyioo.

1 Yoana 4:16

Naaku ikiteyieloutua inia chaman naata Nkai te iyioo nikitipika siligi lang atua inia chaman. Kore Nkai naa nchaman. Naa kore pooki owuon taatua nchaman, newuon Nkai taatua ninye.

1 Yoana 4:20

Naa kore tenejo ltung'ani, <> neiba lalache lenye, naa losapicho. Amu kore pooki lemecham lalache lenye otoduaa, meidim atachama Nkai neitu edol.

1 Yoana 4:8

Kore pooki lemechamicho naa meyielo Nkai, amu kore Nkai naa nchaman.

1 Yoana 5:1

Kore pooki oiruk ajo kore Yeso naa Kristo, ilo Aitejeunoni oaanyutae apa, naa inoti le Nkai. Naa kore ilo oacham Papa naa kecham sii inia Kerai enye.

2 Yoana 1:5

Kore taata naomon iyie nkitok nageluno, matachamata maate. Namara ketuwuana nkitanapata ng'ejuk ana naaigerokita, kake inia apake nikiata ta ng'asunoto.