1 Yoana 4:5 - Samburu

⁵ Kera ninche ne nkop naa inia pee eiro ana neiko nkop teneiro, nening ꞉nkop ninche.

1 Yoana 4:5 ပူးပေါင်းရင်းမြစ်များ

Luka 16:8

Kore ilo kitok, nerrep ilo aramatani oitamaaicho tankaraki njartano enye. Amu kore ltung'ana le nkop, naa keijartani too ltung'ana le mpukunoto enche aalang nkera e wong'an.

Yoana 17:14

Kaichoo ninche rerei lino, neibayie ꞉nkop ninche tankaraki namara lena nkop, ana namara nanu lena nkop.

Yoana 17:16

Mara ninche lena kop ana namara sii nanu lena kop.

Yoana 3:31

Kore ilo oing'uaa keper naa ꞉ninye oisul pooki. Naa kore ꞉ilo oing'uaa nkop naa le nkop ninye, neiro mbaa e nkop. Kake kore ꞉ilo oing'uaa chumata naa keisul pooki.

Yoana 8:23

Nejoki ꞉Yeso, <

2 Timoti 4:3

Amu kelotu kenya nkata nemeidimare ltung'ana nkiteng'ena nadede. Kore neas ninche, naa ng'uarrat enche erubare neiturrurroki ate laiteng'enak oojo mbaa naayieu nkiyiaa enche nening.

Mbolunoto 12:9

Nenang'uni inia meu sapuk, ilo asurai le apa oji Lairirua anaa Chitani, oatasapa neitopong'oo ltung'ana le nkop pooki. Nenang'akini nkop tenebo o lmalaikani lenyena.