19 Ikichamicho amu ninye apa oatachama iyioo tekue.
Naa tankaraki inia paajoki ntae, etapalikaki nenia ng'ok enyena kumo, naa inia payie eata nchaman kitok. Kake kore ilo otapalikaki ng'ok kuni, naa keikini nchaman enye.>>
Mara ntae likitegelutua nanu kake nanu otegelua ntae, naitoki aicho ntae nkitoo nipoyieyie aaiunyie lng'anayio. Kore lng'anayio liiu naa lng'anayio oobikoo, payie eicho ntae Papa ntoki pooki niomonunu ta nkarna ai.
Amu nchi etiu nchaman natachama ꞉Nkai nkop, nchere keicherua Nkerai enye ake nabo inoti, paa kore pooki ng'ae oiruk ninye, nemeidaaya kake ketum nkichon ee ntarasi.
Kake kore lng'anayioi la Ltau Sinyati naa nchaman o ng'ida o seriani o ng'iriata o nanai e nkocheke o supaticho o ltau oisiligai
Kore nchaman naa ana: Mara iyioo oaatachama Nkai, kake ninye natachama iyioo, nereu Nkerai enye peaku lasar loo ng'ok ang.
Naa kore tenejo ltung'ani, <> neiba lalache lenye, naa losapicho. Amu kore pooki lemecham lalache lenye otoduaa, meidim atachama Nkai neitu edol.
