1 Yoana 4:15 - Samburu

¹⁵ Kore pooki oibalie ajo kera Yeso Nkerai e Nkai naa kewuon Nkai taatua ninye, newuon ninye taatua Nkai.

1 Yoana 4:15 ပူးပေါင်းရင်းမြစ်များ

Matayo 10:32

Naa kore pooki ng'ae laaibalie nanu tekue ltung'ana, naibalie sii ꞉nanu ninye tekue Papa lai oti chumata.

Luka 12:8

<

Yoana 6:56

Kore ꞉pooki ng'ae oanya sesen lai, nemat lodo lai, naa kewuon taatua nanu, nawuon sii nanu taatua ninye.

Rroman 10:9

Naaku tinimbalie iyie to nkutuk ino nchere kera Yeso Laitoriani, niruk ta ltau lino ajo keitipiwua ꞉Nkai ninye too lootuata, naa ikintejeuni iyie,

Lpilipi 2:11

Naa keibalie pooki ng'ejep ajo Yeso Kristo Laitoriani, neichori Nkai Papa nkisisa teinia.

1 Yoana 2:23

Kore loany Nkerai naa meata abaki Papa, kore loibalunyie Nkerai naa keata sii Papa.

1 Yoana 2:24

Enchoo metaa kebik inia nitining'o ta ng'asunoto taatua ntae. Amu kore tenebik inia taatua ntae, naa ibikbik sii ntae taatua Nkerai o taatua Papa.

1 Yoana 3:23

Naa ana nkitanapata enye, nchere payie kiruk nkarna e Nkerai enye Yeso Kristo nikichama likae o likae ana naitanapa ninye iyioo.

1 Yoana 3:24

Kore ilo ooibung nkitanapat enyena newuon taatua ninye, newuon sii ꞉ninye taatua ilo. Naa te ilo Tau oichoo ꞉ninye iyioo kiyielou aajo kewuon ninye taatua iyioo.

1 Yoana 4:12

Meatae aikata ꞉ltung'ani otodua Nkai. Naa tanaa ikichama maate, newuon Nkai taatua iyioo, neitabayieki nchaman enye taatua iyioo.

1 Yoana 4:2

Naa ana iyielounyienyie Ltau le Nkai: Kore ltau pooki oibalunyie ajo keyewuo Yeso Kristo era ltung'ani naa le Nkai,

1 Yoana 5:1

Kore pooki oiruk ajo kore Yeso naa Kristo, ilo Aitejeunoni oaanyutae apa, naa inoti le Nkai. Naa kore ilo oacham Papa naa kecham sii inia Kerai enye.

1 Yoana 5:5

Ng'ae dei ilo omir nkop, mara ake ilo oiruk ajo kera Yeso Nkerai e Nkai?

2 Yoana 1:7

Amu ketijing'a lasapak kumo nkop lemeibalunyie aajo kore Yeso Kristo naa keyewuo era ltung'ani katukul oata sesen. Kore ilo naa lasapani nera loiba Kristo.