1 Yoana 3:3 - Samburu

³ Naa kore pooki oata ilo siligi te ninye naa keitisiny koon ana payie era ninye sinyati.

1 Yoana 3:3 ပူးပေါင်းရင်းမြစ်များ

Matayo 5:48

Naaku, kore sii ntae, entaa lemeata ntioto ana payie era Papa linchi oti chumata lemeata ntioto.

Luka 6:36

Entaa loaata lng'er, ana payie eata Papa linchi lng'er.

Yoana 17:19

Kaitai koon aaku lasar sinyati anang ninche, payie eitisinyi sii ninche te ndedei.

Asat 15:9

Naa kore tekue Nkai, meatae ntoki nagel iyioo o ninche amu keitisinya ltauja lenche to nkurukoto.

Rroman 15:12

Neitoki Isaya ajo, <>

2 Lkorinto 7:1

Naaku naa sotuatin lainien, kore tankaraki nikiata kulo lekutukie le Nkai, matung'ai ntoki pooki naitarruo seseni o ltauja lang, nikiaku sinyat le Nkai katukul kiurie ninye.

Lkolosae 1:5

Kore ana, naa tankaraki inia nisiligitata metaa ninchi, neisudokaki ntae te chumata, ana nindipa aatining too Lomon Supati oodede.

2 Ltesalonike 2:16

Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani,

Tito 3:7

Paa kore eikena iyioo ꞉Nkai ajo ikira loosipat to munyani enye, nikiaku lootum nkichon ee ntarasi, inia nikisiliguta.

Lburania 12:14

Entonyok oleng eng'oru seriani o ltung'ana pooki ning'oruru sii sinyaticho, amu tenemeata ltung'ani sinyaticho naa meidimai payie edol Laitoriani.

Lburania 6:18

Naaku kore aimu kuna baa are nemeibelekenya aikata naataasa Nkai, neitu taa esapicho Nkai, kore iyioo ooisigakita ninye, nikitum rreten kitok nikimbung'ie aaitirrichaki ele siligi otipikaki tekue iyioo.

Lburania 7:26

Naaku taa ninye Laitainoni kitok la lasar likiyieu iyioo, ilo oara sinyati, nemeata nakurrieki, nemeata ntioto, netooroyieki taatua loo ng'ok, neiliepunyie ꞉Nkai ninye aitalang pooki ng'ae o pooki toki.

Yakobo 4:8

Entinyikaki Nkai, naa kenyikaki sii ninye ntae. Entukoi ntorrok pooki, ntae laasak loo ng'ok, nintisinyisiny ltauja linchi, ntae loaata lng'ach.

1 Petero 1:15

Naa kore ana nara ilo oipoto ntae sinyati, naaku naa entaa sii ntae sinyat ta mbaa inchi pooki.

1 Petero 1:3

Meisisi Nkai oara Menye Laitoriani lang Yeso Kristo! Ilo laa te lng'er lenye kitok etiiwuaki iyioo nkata e are, payie kitum siligi oichu tankaraki natipiwua Yeso Kristo taatua lootuata,

2 Petero 1:4

Naa kore te inia golon o nkitoo enye, neichoo iyioo lekutukie lenyena oata tipat nera kutuaa oleng. Paa kore tee nenia nitumtum aatang'ar mpukunoto e Nkai, indipa apa aailanya mutai natii ana kop tankaraki ng'uarrat.

2 Petero 3:14

Naaku naa lacham lainien, kore ianyutata nenia, entonyok payie etumi ntae iatata sotua o Nkai, miatata ntoki nakurrieki ntae nimiatata ntioto.

1 Yoana 2:6

Kore pooki ng'ae ojo keti atua ninye, naa keichiaakino neikunari to lototo ana apa neikunari ninye.

1 Yoana 4:17

Tana eitabayieki nchaman taatua iyioo, payie kitum nkitieunoto ta mparri e nkiguana, amu kore netiu ninye naa nejia sii kitiu iyioo tana kop taata.