1 Yoana 3:2 - Samburu

² Lacham lainien, kore taata naa ikira nkera e Nkai, naa ewuon eitu eibalunyieki nikitiuu kenya. Ikiyielo aajo kore tenelioi Yeso, naa ikitiuu ana ninye amu ikidol ninye ana netiu.

1 Yoana 3:2 ပူးပေါင်းရင်းမြစ်များ

Matayo 5:8

Emayiana lolo oaata ltauja supati, amu kedol ꞉ninche Nkai.

Luka 17:30

Naa nejia etiu kenya ta mparri naibalunyieki Nkerai e ltung'ani.

Luka 20:36

Nemeye aitoki, amu ketuwuanai kenya ana lmalaikani. Kore ninche, naa nkera e Nkai amu ketipiutua too lootuata.

Yoana 1:12

Kake kore pooki oang'amaa neiruk ninye, neicho metaa nkera e Nkai.

Yoana 11:52

Namara ilo ocho apeny, kake payie eitoki ayau aitaa nabo nkera e Nkai naatasachari.

Yoana 17:24

<

Rroman 8:16

Ilo Tau olimu sipata tenebo o ltauja lang ajo ikira iyioo nkera e Nkai.

Rroman 8:18

Kadol ajo kore sina le ng'amata e taata, naa meitoki tenetemieki inia kitoo naibalunyieki kenya metaa nanang.

Rroman 8:19

Kore ntokitin pooki naaitibirua ꞉Nkai, naa keisiluguta oleng ꞉ninche oleng nkera e Nkai meibalunyieki.

Rroman 8:29

Amu kore lolo ooteyielo ꞉ninye apake tekue, netegelua inia kata metinyunyukore Nkerai enye, payie etum inia Kerai enye ataa lkikau taa lalachera lenyena kumo.

1 Lkorinto 13:12

Kore taata mbaa pooki naaipirita Nkai, naa ikidol eirupurup atuwuana nkomom te kitaap, kake ikidol kenya ninye nkomom. Mayielo taata ntoki pooki, kake kayielou kenya pooki ana naayielo nanu ꞉Nkai katukul.

1 Lkorinto 15:49

Kore ana nikinyunyukore ilo tung'ani oing'uaa nkop, ikinyunyukorei sii ilo tung'ani oing'uaa chumata.

1 Lkorinto 2:9

Kake kore nikilikoo naa inia naigero too Lkigerot Sinyat nchere, <>

2 Lkorinto 3:18

Kore iyioo pooki ooing'or nkitoo e Laitoriani ana kitaap too nkomomi nemeisiapa, neibelekenyi iyioo matutuwuana nkitanyanyukoto nabo o ninye, nelo nkitoo enye kue aaponikino iyioo. Kore ana, naa Laitoriani eing'uaa oara ninye Ltau Sinyati.

2 Lkorinto 4:17

Naa kore ele kiti sina le nkiti kata, naa keitibiraki iyioo matum ng'ida nemelimunoi, kitok alang ele sina le taata.

Lgalatia 3:26

Irara taata pooki nkera e Nkai to nkurukoto taatua Laitejeunoni Yeso.

Lgalatia 4:6

Naa kore amu ikira nkera e Nkai, eterewua ꞉Nkai Ltau le Nkerai enye atua ltauja lang, eichir ajo, <>

Lpilipi 3:21

Naa keibelekeny seseni lang oaachal nemutari, metutuwuana sesen lenye le nkitoo, te inia golon enye naidimie ninye metipika ntokitin pooki taabori nkitoria enye.

Lkolosae 3:4

Kore payie eibalunye kenya Kristo oara nkichui inchi, neitokini sii aaibalunyie ntae tenebo o ninye to wong'an kitok.

Lburania 9:28

keitaaki sii Kristo lasar nkata nabo ake payie etum aawa ng'ok ee ltung'ana pooki. Kelotu aitoki nkata e are, namara payie eya ng'ok kake payie eitejeu lolo oaanyuta ninye.

2 Petero 1:4

Naa kore te inia golon o nkitoo enye, neichoo iyioo lekutukie lenyena oata tipat nera kutuaa oleng. Paa kore tee nenia nitumtum aatang'ar mpukunoto e Nkai, indipa apa aailanya mutai natii ana kop tankaraki ng'uarrat.

1 Yoana 2:28

Nakera! Kore taata, entibik taatua ninye, paa kore teneibalunyieki, nikintieu aitacho tekue ninye, nemenya iyioo anyit to lotunoto enye.

1 Yoana 2:7

Lacham lainien, mara nkitanapata ng'ejuk aigerokita ntae, kake musana niatata apake ta ng'asunoto. Kore inia kitanapata musana naa ilo rerei lindipa aatining.

1 Yoana 3:1

Eng'ura ja newua nchaman natachama iyioo Papa lang le chumata, payie eji iyioo nkera e Nkai! Naa ninche kira. Meyielo iyioo nkop tankaraki nemeyielo sii apa ninye.

1 Yoana 3:10

Naa ana eyielounyieki nkera e Nkai o ne Chitani: kore pooki ng'ae lemeas sipat nemecham lalache lenye, naa mara le Nkai.

1 Yoana 3:21

Lacham lainien, kore tanaa medung'oki iyioo ltauja lang nkiguana, naa ikiata nkiteunoto nikintacheyie tekue Nkai,

1 Yoana 5:1

Kore pooki oiruk ajo kore Yeso naa Kristo, ilo Aitejeunoni oaanyutae apa, naa inoti le Nkai. Naa kore ilo oacham Papa naa kecham sii inia Kerai enye.

Mbolunoto 22:4

Kedol ꞉ninche nkomom e Nkai, neigeri nkarna enye too nkomomi enche.