1 Yoana 3:11 - Samburu

¹¹ Ele naa lkilikuai litining'o apake ta ng'asunoto, nchere payie kichama iyioo,

1 Yoana 3:11 ပူးပေါင်းရင်းမြစ်များ

Yoana 13:4

Neinyuototo ꞉Yeso aing'uaa inia daa, neitai nanka e oriong naichopito, nerrapu nanka najutoreki, neirrinaki nkiji.

Yoana 15:12

Ana nkitanapata ai, nchere entachamata ana natachama nanu ntae.

Lgalatia 6:2

Enteretokinoto nkirochi, naa te inia oitiei intabayaya nkitanapat e Kristo.

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

1 Ltesalonike 4:9

Kake kore mbaa naaipirita nchaman ee lalachera o nkanachera, meyiere payie eigeroki ntae ltung'ani amu keitanapa ntae Nkai payie ichamama maate.

1 Timoti 1:5

Kore yieuna e ana kitaarriyiana ang, naa payie eipung'u nchaman naing'uaa ltau supat o ltau oyielo ajo meata nakurrieki o nkurukoto nadede.

1 Petero 1:22

Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.

1 Petero 3:8

Kaidip ana kitaarriyiana ajoki ntae payie iwuenini pooki inyanya nabo, niatata lng'er, nichamama ana lalachera o nkanachera, nenanaa ntae ochuaa, niborbor.

1 Petero 4:8

Kore nalang pooki, entachamata katukul, amu kejutoo ꞉nchaman ng'ok kumo.

1 Yoana 1:5

Naa ele taa lkilikuai likitining'o te ninye nikimbalie taa ntae aajo, kore Nkai naa wong'an, nemeatae naimin taatua ninye katukul.

1 Yoana 4:11

Lacham lainien, kore amu ketachama iyioo Nkai aiko inji, keiririkino sii tinikichama iyioo.

1 Yoana 4:21

Naa ana nkitanapata naichoo ninye iyioo, nchere kore ilo oacham Nkai naa keyiere sii necham lalache o nkanache enye.

1 Yoana 4:7

Lacham lainien, matachamata amu kore nchaman naa Nkai eing'uaa. Naa kore pooki oachamicho naa keino ta Nkai, neyielo Nkai.

2 Yoana 1:5

Kore taata naomon iyie nkitok nageluno, matachamata maate. Namara ketuwuana nkitanapata ng'ejuk ana naaigerokita, kake inia apake nikiata ta ng'asunoto.