1 Yoana 3:10 - Samburu

¹⁰ Naa ana eyielounyieki nkera e Nkai o ne Chitani: kore pooki ng'ae lemeas sipat nemecham lalache lenye, naa mara le Nkai.

1 Yoana 3:10 ပူးပေါင်းရင်းမြစ်များ

Matayo 13:38

Kore lchampa naa ana kop, kore lantarara supati naa nkera e nkitoria, kore ndeti naa nkera e ilo aitarruoni.

Luka 6:35

Kake entacham lmang'ati linchi, nintaasas ninche supati, ninchocho silen miatata siligi aajo kerrinyokini ntae toki. Naa kore laata inchi keaku kitok, niakuku nkera e Ilo ooisul pooki. Amu kore ninye, naa kera supat too lolo lemeata nache o too lolo torrok.

Yoana 1:12

Kake kore pooki oang'amaa neiruk ninye, neicho metaa nkera e Nkai.

Yoana 11:52

Namara ilo ocho apeny, kake payie eitoki ayau aitaa nabo nkera e Nkai naatasachari.

Yoana 8:44

Kore ntae naa irara nkera e papa linchi Chitani, niyieuu niasias mbaa naang'uar ninye ataasa. Kore ninye naa larani apake ta ng'asunoto oar ltung'ana metuata, nemeitache ta mbata e ndedei, amu metii ndedei atua ninye. Kore payie esapicho ninye naaku mbaa naatiu te ninye eiro, amu lasapani ninye nera aitoki menye saparia.

Yoana 8:47

Kore pooki ng'ae oara le Nkai naa kening rerei le Nkai. Kore payie mining'ning ntae rerei le Nkai, naa tankaraki nimirara lenyena.>>

Asat 13:10

nejoki, <

Rroman 13:8

Emincho metaa iatata sile e ltung'ani mara ake nchaman nichamama likae o likae, amu kore ltung'ani oacham likae naa eitabayie nkitanapat.

Epeso 5:1

Naaku taa, entaa ꞉ltung'ana ooduaaya Nkai, tankaraki nirara nkera enyena naacham oleng.

Lkolosae 3:14

Entoponiki kuna pooki nchaman, naa ninye naen ntoki pooki tanaboicho katukul.

1 Timoti 1:5

Kore yieuna e ana kitaarriyiana ang, naa payie eipung'u nchaman naing'uaa ltau supat o ltau oyielo ajo meata nakurrieki o nkurukoto nadede.

1 Yoana 2:29

Kore tanaa iyielolo aajo kera ninye lopeny sipat, iyielolo sii aajo kore pooki oas sipata naa ꞉ninye otiiwua.

1 Yoana 3:1

Eng'ura ja newua nchaman natachama iyioo Papa lang le chumata, payie eji iyioo nkera e Nkai! Naa ninche kira. Meyielo iyioo nkop tankaraki nemeyielo sii apa ninye.

1 Yoana 3:2

Lacham lainien, kore taata naa ikira nkera e Nkai, naa ewuon eitu eibalunyieki nikitiuu kenya. Ikiyielo aajo kore tenelioi Yeso, naa ikitiuu ana ninye amu ikidol ninye ana netiu.

1 Yoana 4:21

Naa ana nkitanapata naichoo ninye iyioo, nchere kore ilo oacham Nkai naa keyiere sii necham lalache o nkanache enye.

1 Yoana 4:6

Nikira naa iyioo le Nkai. Kore pooki oyielo Nkai naa kening iyioo, naa kore ilo lamara le Nkai nemening iyioo. Ana naa kiyielounyie Ltau le ndedei o ltau le sapare.

1 Yoana 4:8

Kore pooki lemechamicho naa meyielo Nkai, amu kore Nkai naa nchaman.

1 Yoana 5:19

Nikiyielo aajo ikira le Nkai, naa kore nkop pooki naa keti taabori nkitoria e ilo mang'antita torno.

1 Yoana 5:2

Naa ana kiyielounyie aajo ikicham nkera e Nkai: tinikicham Nkai nikimbung nkitanapat enyena.

3 Yoana 1:11

Lacham lai, miduaaya ntokitin torrok kake toduai supati. Kore ilo oas supati naa le Nkai naa kore ilo oas ntorrok naa eitu eyielou ꞉ninye Nkai.