1 Yoana 2:5 - Samburu

⁵ Kake kore ilo oibung rerei lenye, naa kedede taatua ninye etoboreyia nchaman e Nkai. Naa te inia kiyielou aajo ikitii atua ninye.

1 Yoana 2:5 ပူးပေါင်းရင်းမြစ်များ

Luka 11:28

Kake nejo ninye, <>

Yoana 14:21

Kore loata nkitanapat ainien neibung, ninye laacham. Naa kore laacham, nechamu ꞉Papa lai, nachamu sii nanu ninye naibalakinyie koon.>>

Yoana 14:23

Newoliki ꞉Yeso ajoki, <

Yoana 15:5

<

Yoana 6:56

Kore ꞉pooki ng'ae oanya sesen lai, nemat lodo lai, naa kewuon taatua nanu, nawuon sii nanu taatua ninye.

Rroman 8:1

Naaku kore taata, merekure eatae nkiguana torno too lolo otii atua Kristo Yeso.

1 Lkorinto 1:30

Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki,

2 Lkorinto 5:17

Naaku kore tenetii ltung'ani atua Kristo, netaa ntoki ng'ejuk, echomo napa musana, nelotu ng'ejuk.

2 Lkorinto 5:21

Amu kore ilo leitu eas ng'oki, neitaa ꞉Nkai lasar lo ng'ok ang, paa kore aimu ninye nikiaku iyioo loosipat tekue Nkai.

Yakobo 2:22

Keibala ajo kore apa nkurukoto e Abraam o asat enyena naa kepuo tenebo, naa kore asat enyena neicho nkurukoto enye meisula.

1 Yoana 3:24

Kore ilo ooibung nkitanapat enyena newuon taatua ninye, newuon sii ꞉ninye taatua ilo. Naa te ilo Tau oichoo ꞉ninye iyioo kiyielou aajo kewuon ninye taatua iyioo.

1 Yoana 4:17

Tana eitabayieki nchaman taatua iyioo, payie kitum nkitieunoto ta mparri e nkiguana, amu kore netiu ninye naa nejia sii kitiu iyioo tana kop taata.

1 Yoana 4:18

Mewuon ngureticho tenebo o inia chaman, amu kore nchaman nasipa nemiraa ngureticho. Kore ngureticho neipirita ndung'oto e nkiguana, naa kore pooki oata ngureticho eitu ebulu abaya te inia chaman.

1 Yoana 5:2

Naa ana kiyielounyie aajo ikicham nkera e Nkai: tinikicham Nkai nikimbung nkitanapat enyena.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.

2 Yoana 1:6

Naa inji eikununo nchaman, nchere payie kirukurukore nkitanapat enyena. Ana naa nkitanapata, nchere payie ipoyieyie nchaman ana nitining'o apake ta ng'asunoto.

Mbolunoto 12:17

Negoro meu tankaraki inia tomononi, nelo aitai larrabal o nkulie kera e inia tomononi, naaning Nkitanapata e Nkai neata limunoto naipirita Yeso.

Mbolunoto 14:12

Naaku keyiere payie eng'iri sinyat le Nkai sina oitami, lolo taa ooning nkitanapat e Nkai neibung nkurukoto e Yeso.>>