1 Yoana 2:29 - Samburu

²⁹ Kore tanaa iyielolo aajo kera ninye lopeny sipat, iyielolo sii aajo kore pooki oas sipata naa ꞉ninye otiiwua.

1 Yoana 2:29 ပူးပေါင်းရင်းမြစ်များ

Yoana 1:13

Ketiiwuaki ninche metaa nkera e Nkai, kake mara te ichoi e ltung'ani. Namara sii te yieunoto ee ltung'ana etiiwuaki ninche tanaa sii ne lee, kake Nkai makoon natiiwua ninche.

Yoana 7:18

Kore ilo oiro mbaa enyena, neing'uraki koon rrepeta, kake kore ꞉ilo oing'oru rrepeta naayaki ilo oirriwua, naa loosipat ninye, nemetii sapare atua ninye.

Asat 10:35

kake keng'amaa pooki ng'ae ourie ninye, neas sipat menya ajo le alo orere ninye.

Asat 22:14

<

Asat 3:14

Kake itanya ntae Ilo Sinyati oara loosipat, nisimaa metalakuni ilo arani.

2 Lkorinto 5:21

Amu kore ilo leitu eas ng'oki, neitaa ꞉Nkai lasar lo ng'ok ang, paa kore aimu ninye nikiaku iyioo loosipat tekue Nkai.

Lburania 7:2

Neicho ꞉Abraam ninye motua e tomon e ntoki pooki natarua. Naa kore kipirte e nkarna naji Melkisedek naa <> Kera sii apa lkinkii lo lkerenket le Salem, naa kore kipirte enye naa <>

Lburania 7:26

Naaku taa ninye Laitainoni kitok la lasar likiyieu iyioo, ilo oara sinyati, nemeata nakurrieki, nemeata ntioto, netooroyieki taatua loo ng'ok, neiliepunyie ꞉Nkai ninye aitalang pooki ng'ae o pooki toki.

Yakobo 1:18

Kore apa te yieuna enye, neicho iyioo metiini nkata e are aimu rerei lenye odede, payie kiaku ltung'ana lenyena oogeluno taatua ntokitin pooki naitibira ninye.

1 Petero 1:23

Amu ketiiwuaki ntae nkata e are, namara ta lantararai omutari kake lememutari, aa taa te rerei le Nkai oichu lemeichunye.

1 Petero 1:3

Meisisi Nkai oara Menye Laitoriani lang Yeso Kristo! Ilo laa te lng'er lenye kitok etiiwuaki iyioo nkata e are, payie kitum siligi oichu tankaraki natipiwua Yeso Kristo taatua lootuata,

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

2 Petero 1:4

Naa kore te inia golon o nkitoo enye, neichoo iyioo lekutukie lenyena oata tipat nera kutuaa oleng. Paa kore tee nenia nitumtum aatang'ar mpukunoto e Nkai, indipa apa aailanya mutai natii ana kop tankaraki ng'uarrat.

1 Yoana 2:1

Nkera ainien, kaigerokita ntae ana payie miasias ng'ok. Kake teneas lobo linchi ng'oki, naa ikiata laretoni oitacheki iyioo tekue Papa, aa Yeso Kristo ilo loosipat.

1 Yoana 3:5

Naa iyielolo ntae aajo keibalunyieki apa Yeso payie eoru iyioo ng'ok ang, nemeata ꞉ninye ng'oki.

1 Yoana 3:7

Nakera ainien, emincho ltung'ani eitopong'oo ntae! Kore loche aas nadede naa loosipat, ana payie era ninye loosipat.

1 Yoana 4:7

Lacham lainien, matachamata amu kore nchaman naa Nkai eing'uaa. Naa kore pooki oachamicho naa keino ta Nkai, neyielo Nkai.

1 Yoana 5:1

Kore pooki oiruk ajo kore Yeso naa Kristo, ilo Aitejeunoni oaanyutae apa, naa inoti le Nkai. Naa kore ilo oacham Papa naa kecham sii inia Kerai enye.

1 Yoana 5:18

Ikiyielo aajo, kore pooki oino ta Nkai naa mechekino aas ng'oki, kake keirrita ꞉ilo inoti le Nkai metaa meiseyie ilo mang'antita ninye.

1 Yoana 5:4

Kore ntoki pooki naino ta Nkai naa kemir mbaa e nkop. Naa kore ntoki namir nkop, naa nkurukoto ang.

3 Yoana 1:11

Lacham lai, miduaaya ntokitin torrok kake toduai supati. Kore ilo oas supati naa le Nkai naa kore ilo oas ntorrok naa eitu eyielou ꞉ninye Nkai.