1 Yoana 2:25 - Samburu

²⁵ Naa kore lekutuk oitaka ninye iyioo naa ele: nkichon ee ntarasi.

1 Yoana 2:25 ပူးပေါင်းရင်းမြစ်များ

Luka 18:30

lemeng'amaa nkatitin kumo taatua ana ng'amata alang natung'ayie apa. Naa kore aitoki ta ng'amata nalotu, neng'amaa nkichon ee ntarasi.>>

Yoana 10:28

Kaicho nanu ninche nkichon nemeiting, nemeidaari aikata, nemeatae loidim atowuapai ninche ta nkaina ai.

Yoana 12:50

Naa kayielo ajo kore naaitanapa Papa naa payie ayeu nkichon nemeiting. Naaku kore pooki najo, najo ake ana naatiaka Papa tejo.>>

Yoana 3:15

paa kore pooki ng'ae oiruk ninye netum nkichon ee ntarasi.>>

Yoana 5:39

Inyokitata aaing'uraa lkigerot, amu ijoijo iatata nkichui ee ntarasi taatua ninche. Naa kore lolo kigerot naa nanu elimu,

Yoana 6:27

Eminyok aas siaai payie itumtum ndaa narroyo, kake entaas siaai payie itumtum ndaa nemerroyo nayau nkichui ee ntarasi. Kore inia daa naa Nkerai e Ltung'ani naicho ntae, amu ninye etipika ꞉Nkai Papa lminchire lenye le nkitoo.>>

Yoana 6:40

Amu kore nayieu ꞉Papa lai, naa metaa kore pooki ng'ae ooing'or Nkerai enye neiruk, netum nkichon nemeiting. Naa kaitipiu nanu ninche te inia parri e nkiting'oto.>>

Yoana 6:47

Kajoki ntae sipata nadede, kore ilo oiruk naa keata nkichon nemeiting.

Yoana 6:54

Kore pooki ng'ae oanya sesen lai, nemat lodo lai naa keata nkichon nemeiting, naa kaitipiu ninye ta mparri e nkiting'oto.

Yoana 6:68

Newoliki ꞉Simon Petero ajoki, <

Rroman 2:7

Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting.

Rroman 5:21

metaa kore ana neikuna ng'ok payie eng'asu aaitoricho neyau lkiye, neitoricho sii munyani to nkoitiei e sipata nayau nkichon ee ntarasi aimu Yeso Kristo Laitoriani lang.

Rroman 6:23

Amu kore laata ee ng'ok naa lkiye, kake kore nkichooroto e pecheu e Nkai naa nkichon ee ntarasi taatua Kristo Yeso Laitoriani lang.

Lgalatia 6:8

Amu kore ilo oun payie eiting'id mpukunoto enye torno, nedung te inia pukunoto enye torno lkiye laa ntarasi. Kake kore ilo oun payie eiting'id Ltau Sinyati, nedung ta Ltau nkichon ee ntarasi.

1 Timoti 1:16

Kore abaki apa aa nanu ojool lolo ltung'ana loo ng'ok, naa keitodolua Kristo Yeso newua ng'iriata enye ta nanu. Naa keaku ana nkitanyanyukoto too lolo pooki kenya oopuonu aairuk ninye payie etum nkichon ee ntarasi.

1 Timoti 6:12

Tama larrabal supat le nkurukoto ang, nitilimua teinia limunoto supat nintayia tekue ltung'ana kumo, nimbung'a inia kichon ee ntarasi nikimpotokaki apa.

1 Timoti 6:19

Naa kore teneas ana, neiturrurroki ate ntokitin supati ee nkolong'i naapuonu, payie eibung inia kichon nara nkichon nadede.

Tito 1:2

Kore ana dedei naa keicho ninche siligi le nkichon ee ntarasi, le lekutuk oitayia apa ꞉Nkai ewuon apake eitu eitibiruni nkop, nemesapicho Nkai.

Tito 3:7

Paa kore eikena iyioo ꞉Nkai ajo ikira loosipat to munyani enye, nikiaku lootum nkichon ee ntarasi, inia nikisiliguta.

1 Yoana 1:2

Kore inia kichui naa /keibalunyieki, nikitoduaa, nikilimu, nikilikoo sii aajo nchere ninye nkichui ee ntarasi natii apa tenebo o Papa, neinyiaka sii aipung'oki iyioo.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.

Yuda 1:21

Entewueni taatua nchaman e Nkai, iyanyutata lng'ur la Laitoriani lang Yeso Kristo meitabaki ntae nkichon ee ntarasi.