1 Yoana 2:19 - Samburu

¹⁹ Keipung'o ninche taatua iyioo, kake mara apake lkulalang. Amu tanaa kera lkulalang, anata etii tenebo o iyioo. Kake keipung'o aaing'uaa iyioo payie etumi aateyielo aajo mara pooki ng'ae oara lalang.

1 Yoana 2:19 ပူးပေါင်းရင်းမြစ်များ

Matayo 24:24

Amu kepuonu kenya looitaakino Kristo o looitaakino loibonok le Nkai, neitodolu nkitodolunot kutuaa o mbaa e nking'asia, payie teneidimai, neitopong'oo abaki lgelunot.

Marko 13:22

Amu kepuonu kenya looitaakino Kristo o looitaakino loibonok le Nkai, neitodolu nkitodolunot o mbaa e nking'asia, payie teneidimai, neitopong'oo lgelunot.

Luka 8:13

Kore lootii lkarkar naa lolo ooning, laa kore tenening ilo rerei neng'amaa te ng'ida. Kake meata ninche ntana, keiruk nkiti kata, kore payie etum ntemat nerriaa.

Yoana 15:2

Kore lng'asula pooki lai lemejing ꞉lng'anayio, nedung'oo aiturraa. Naa kore lng'asula ojing lng'anayio, neng'ur aitibir payie etum lng'anayio kumo aatijing.

Yoana 4:14

kake kore pooki ng'ae omat inia are naicho kenya, nemetiru ꞉nkure aikata. Neaku inia are kenya naicho ninye lchoro oijirrijirru taatua ninye, neicho nkichon ee ntarasi.>>

Asat 15:24

Ikitining'o aajo keotuo lkulikae tung'ana ooing'uaa atua iyioo aapuonu aaitanyamal ntae tee rerei oopik ltauja linchi nkirochi, namara iyioo ooitanapa ninche metaasa inia nataasa.

Asat 20:30

Amu kore taatua ntae, naa keipung'u ltung'ana ooiro aakord sipata, payie eitopong'oo looiteng'eni meirukurukore ninche.

Rroman 9:6

Kake mara eji ketaa eitu ebaya rerei le Nkai, amu mara lolo pooki oaara le ichoi e Isirael oaara ltung'ana le Isirael oodede.

1 Lkorinto 11:19

Meata nchere payie meatae lturrurri taatua ntae amu te inia ake elioi ajo ng'ae etachamayieki.

2 Timoti 2:10

Naa kore tankaraki inia, kang'iri mbaa pooki tankaraki lolo ootegelua ꞉Nkai, payie etum sii ninche njeunoto natii atua Kristo Yeso tenebo o nkitoo ee ntarasi.

2 Timoti 2:19

Kake kore nkitamanyunoto nemeigusugus natuuno ꞉Nkai naa keitache, neata kulo kigerot oojo, <> naa <>

2 Timoti 3:9

Kake merokure epuo ninche neodo too kuna, amu keibalai madai enche too ltung'ana pooki ana apa netiu madai e Yanes o Yameres.

Lburania 10:39

Kake mikira iyioo lolo ooiwuatuwuata aarrinyo siedi, kake ikiata nkurukoto naa ikitum nkichui ee ntarasi neiteng'elakaki iyioo.

2 Yoana 1:7

Amu ketijing'a lasapak kumo nkop lemeibalunyie aajo kore Yeso Kristo naa keyewuo era ltung'ani katukul oata sesen. Kore ilo naa lasapani nera loiba Kristo.

Yuda 1:1

Kore ana palai naa keing'uaa Yuda, laisiaayiani le Yeso Kristo oara sii lalache le Yakobo. Kairoroki lolo ooipoto, oaatachama ꞉Nkai Papa, neirritita ꞉Yeso Kristo.

Yuda 1:19

Naa kulo tung'ana ooyau oro, nera lena kop, nemeata Ltau le Nkai.