1 Yoana 2:17 - Samburu

¹⁷ Naa kore nkop o ng'uarrat enyena naa keich, kake kore ilo tung'ani oas nayieu Nkai naa kebik ntarasi.

1 Yoana 2:17 ပူးပေါင်းရင်းမြစ်များ

Matayo 21:31

<> Newoliki ꞉ninche aajoki, <> Nejoki ꞉Yeso, <

Matayo 24:35

Kore keper o nkop naa keichunye, kake meichunye hooyia rereii lainien.

Matayo 7:21

< ojing nkitoria e chumata, kake ilo oas nayieu Papa lai oti chumata.

Marko 3:35

Amu kore pooki ng'ae oas yieunoto e Nkai, naa ninye lalache lai o nkanache ai o yieyio lai.>>

Yoana 4:14

kake kore pooki ng'ae omat inia are naicho kenya, nemetiru ꞉nkure aikata. Neaku inia are kenya naicho ninye lchoro oijirrijirru taatua ninye, neicho nkichon ee ntarasi.>>

Yoana 6:58

Kore ndaa natodowua eing'uaa chumata, naa metuwuana ninye napa daa natama lmakui linchi, neitoki ake aaye. Kore loanya ana daa naa keichu ntarasi.>>

Yoana 7:17

Kore pooki ng'ae oyieu neas yieunoto e Nkai naa keyielou tanaa Nkai eing'uaa nkiteng'ena ai, tanaa lomon lainien alimuta.

Rroman 12:2

Emiduaaya mbaa e ana kop, kake enchoo eibelekeny ntae Nkai aiteng'ejuk mparrunot inchi, payie itumtum aatisipu inia nayieu Nkai nara supat, neiting'id ninye, necho.

1 Lkorinto 7:31

Kore lolo oaasichere ntokitin ena kop, nchoo etuwuana lemeret nenia ꞉tokitin. Amu kore ana kop ana chiaake nikiyielo, nemebikoo kake keich mpukunoto enye.

Lkolosae 1:9

Naa tankaraki inia paa kore ang'asu mparri nikining lomon linchi, eitu kipal mikiomonoki ntae, nikinchiraki Nkai payie eiteyielo ntae katukul yieuna enye, te ng'eno o te ning'unoto pooki naicho ntae Ltau lenye,

Lkolosae 4:12

Neiroroki sii ntae ltung'ani linchi oji Epaparas, oara laisiaayiani le Kristo Yeso. Kenyokita ninye nkata pooki tankaraki ntae to nkomono enye, payie itumtum aaitacho irara lemeata ntioto, niatata sipata ee mbaa pooki naayieu Nkai.

1 Ltesalonike 4:3

Naa ana yieuna e Nkai, nchere iakuku loosinya payie ilamlam loloito pooki,

1 Ltesalonike 5:18

Kore taatua mbaa pooki, enchoo Nkai nache, amu inia eyiewuoki ninye ntae taatua Kristo Yeso.

Lburania 10:36

Keyiere ning'iriri payie itumtum aataas yieunoto e Nkai, nitumtum inia naitayia Nkai lekutuk ajo keicho ntae.

Yakobo 4:14

Amaa iyiololo ntae netiu nkichoni inchi teisiere! Kore nkichoni inchi, naa inji etuwuana ana mpuro nalio nkiti nkata, neikenyu meatae.

1 Petero 1:5

Nerrip ꞉Nkai ntae to ngolon enye, iwuenini to nkurukoto, payie ing'amaa inia jeunoto natipikaki payie eibalunyieki ta nkata e nkiting'oto.

1 Petero 4:2

payie eaku merekure aa ng'uarrat e ltung'ani naaitore, kake inia nayieu Nkai tee mperot naang'or e nkichon enye tana kop.