1 Yoana 2:16 - Samburu

¹⁶ Amu kore pooki toki nati nkop, aa ng'uarrat e sesen o ng'uarrat ee nkonyek o nkimerra e ntokitin naata ltung'ani, naa ne nkop mara na Papa.

1 Yoana 2:16 ပူးပေါင်းရင်းမြစ်များ

Matayo 4:8

Neitoki Chitani arik ninye nkeper e ldonyuo oodo oleng, neitodol nkitoria ee nkopi o murdaicho pooki enche.

Matayo 5:28

Kake kajoki nanu ntae, kore pooki ng'ae oing'or ng'oriei, neng'uar, naa etaasa ninye loloito o inia ng'oriei ta ltau lenye.

Luka 4:5

Nerik ꞉Chitani nkeper e ng'oji neodo, neitodol nkitoria pooki e nkop te nkini kata.

Rroman 13:14

kake enchopo Laitoriani Yeso Kristo, niminchocho eaku mpukunoto inchi torno iparraa, payie meinyuototo ake ng'uarrat torrok enyena.

1 Lkorinto 10:6

Kore naa kuna baa pooki, naa ketaasate apa payie eutaa iyioo payie miking'uar ntorrok ana apa nataasa ninche.

Lgalatia 5:17

Amu kore nayieu mpukunoto ang torno, nera o yieunot e Ltau Sinyati. Naa keibooro kuna, payie miasias nenia niyieuu.

Lgalatia 5:24

Kore lolo oaara le Kristo Yeso, etecho mpukunoto enche torno tenebo o yieunot o ng'uarrat enyena.

Epeso 2:3

Naa nejia sii apake kitiu iyioo pooki kirukurukore nenia ng'uarrat torrok e mpukunoto ang torno, nikintabaya ng'uarrat e sesen o nee mparrunot. Naa kore iyioo ikira ltung'ana ana ake lkulie pooki, ooichiaakino nemut ngoro e Nkai.

Tito 2:12

Naa keiteng'enita iyioo inia munyani matany mbaa nemetii uriata e Nkai o ng'uarrat e nkop, payie kibik kitem mbaa, nikiwueni te sipata nikiurie Nkai tana kop,

Tito 3:3

Amu ikira abaki apa iyioo lmada, nimikining'icho, neitopong'ori iyioo, nikira rrindiki loo ng'uarrat torrok o mbaa kumo naaiting'id seseni. Nikiwuenie nkiba o lom, eibae iyioo nikimbaro.

Yakobo 3:15

Kore inia ng'eno, naa mara ng'eno nagut e Nkai kake ne nkop, mara ne Ltau Sinyati kake naa lairiruani.

Yakobo 4:16

Kake kore natiu, ilachlach ntae ninkarkar, naa kore nkilacha pooki naijio inia naa keitorno.

1 Petero 1:14

Kore tankaraki nirara nkera e Nkai naaning'icho, emirubare naapa ng'uarrat inchi torrok nirukurukorere apa ewuon miyielolo ninye.

1 Petero 2:11

Ltung'ana lainien lacham oaamanya ana kop eiching'a, nirara lapuayak, kaitarrap ntae payie iyanyany ng'uarrat ee seseni linchi naarere ltauja linchi neiminie ntae kenya.

2 Petero 2:10

Naa keiteme ꞉Nkai oleng lolo tung'ana torrok oopuoyie mpukunoto torno e ltung'ani eirukurukore ng'uarrat naayau mutai, nemen Laitoriani. Kore kulo tung'ana naa meitoki eurie, mbaa enche ake eparraa nemeurie abaki edek lolo oaata nkitoo te chumata.

2 Petero 2:18

Amu kore lolo tung'ana eimer too lomon lemeitoki, neirukurukore ng'uarrat e mpukunoto torno e ltung'ani, nesapaa lolo oaataa keilany ltung'ana oaas ntorrok metaasa mbaa e anyit.