1 Yoana 2:15 - Samburu

¹⁵ Emicham nkop anaa ntokitin natii atua ninye. Amu kore ilo oacham nkop naa meti nchaman e Papa atua ninye.

1 Yoana 2:15 ပူးပေါင်းရင်းမြစ်များ

Matayo 4:8

Neitoki Chitani arik ninye nkeper e ldonyuo oodo oleng, neitodol nkitoria ee nkopi o murdaicho pooki enche.

Matayo 6:24

<

Luka 16:13

Meatae laisiaayiani oidim aisiaayia lkutuaa oare. Amu keibai likae nechamu likae, tanaa eibung'are likae nemenu likae. Mindimdim naa aaisiaayia Nkai o parakuoicho e nkop!>>

Yoana 15:19

Tanaa le nkop irara, anata echam ntae, eji atuwuana lenyena irara. Kake mirara lenyena amu kategelua ntae tana kop. Inia dei payie eiba ntae nkop.

Rroman 12:2

Emiduaaya mbaa e ana kop, kake enchoo eibelekeny ntae Nkai aiteng'ejuk mparrunot inchi, payie itumtum aatisipu inia nayieu Nkai nara supat, neiting'id ninye, necho.

Lgalatia 1:10

Amaa taata, rrepeta ayieita too ltung'ana, ana ta Nkai? Ana ltung'ana anyokita aiting'id? Tanaa apa ltung'ana ewuon aiting'idita, anata duo mara laisiaayiani le Kristo.

Epeso 2:2

Ipuoyieyie apa nenia oitiei naapuoyie ltung'ana lemeyielo Nkai. Nirukurukorere ilo oirirua oitore nkitoria e loing'ang'e, oasicho taata taatua lolo lemening Nkai.

1 Timoti 6:10

Amu kore lubo ee ropiyiani naa ninye eing'uaa ntorrok pooki. Kore ltung'ana lbata ereuta inia lubo ee ropiyiani, nepong'ori to nkurukoto neyaki ate sina kitok.

Yakobo 1:27

Kore yielounoto e Nkai naiken ꞉Nkai Papa lang ajo kedede, naa inia nairrita nkera okichono o nkoilia tee sinaitin lenche, neirrita koon payie mejing atua ntorroni nati nkop.

Yakobo 4:4

Lotung'ana kulo lemeisiligai! Amaa, miyielolo aajo kore tinichamumu ntokitin e ana kop niakuku lmang'ati le Nkai? Naaku kore pooki ng'ae oacham ntokitin e ana kop, neitaa koon lmang'antita le Nkai.

1 Yoana 3:17

Amaa, tanaa keata ltung'ani ntokitin e ana kop naaichiwue, nemeing'urrie aicho lalache lenye oata sina, kaji eiko nchaman e Nkai tenetii atua ninye?

1 Yoana 4:5

Kera ninche ne nkop naa inia pee eiro ana neiko nkop teneiro, nening ꞉nkop ninche.

1 Yoana 5:10

Kore loiruk Nkerai e Nkai naa keata sipata naipirita inia limunoto ta ltau lenye. Naa kore ilo lemeiruk Nkai naa keitasapicho ninye, amu eitu eiruk inia sipata natilimua Nkai, naipirita Nkerai enye.