1 Yoana 1:2 - Samburu

² Kore inia kichui naa /keibalunyieki, nikitoduaa, nikilimu, nikilikoo sii aajo nchere ninye nkichui ee ntarasi natii apa tenebo o Papa, neinyiaka sii aipung'oki iyioo.

1 Yoana 1:2 ပူးပေါင်းရင်းမြစ်များ

Yoana 1:18

Nemeatae hoo obo otodua Nkai aikata, mara ake inia kerai enye nabo inoti. Netii tenebo o Papa lenye, naa ꞉ninye apa /oibalunyie.

Yoana 1:4

Naa ketii atua ninye nkichui, naa kore inia kichui naa ninye wong'an ee ltung'ana.

Yoana 10:28

Kaicho nanu ninche nkichon nemeiting, nemeidaari aikata, nemeatae loidim atowuapai ninche ta nkaina ai.

Yoana 14:6

Nejoki ꞉Yeso, <

Yoana 15:27

Kore sii ntae nintaii limunoto e sipata naaipirita nanu, amu itii apake tenebo o nanu ta ng'asunoto.

Yoana 16:28

Papa apa aing'uaa nanu, nayewuo nkop. Naa kore aitoki taata, kaing'uarita nkop aloito netii Papa.>>

Yoana 17:3

Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

Yoana 17:5

Papa, kore naa taata, iliepieki teinie nitii, te inia kitoo apake naata tenebo o iyie ewuon meatae nkop.

Yoana 19:35

Kore ltung'ani otoduaa inia, netilimua sipata enye payie itumtum airuko. Naa kore inia sipata natilimua ninye naa kedede, neyielo ninye ajo ndedei eiro.

Yoana 21:14

Naa nkata e uni ana, naipung'oka ꞉Yeso looiteng'eni lenyena eidipaki aaitipiu taatua lootuata.

Yoana 3:13

Nemeatae hoo lobo oiliepa alo chumata metaa keidim atilimu sipata ee mbaa e chumata, mara ake Nkerai e Ltung'ani, natodowua eing'uaa chumata.

Yoana 7:29

Kayielo ninye, amu ninye aing'uaa nanu, naa ꞉ninye lairriwua.>>

Yoana 8:38

Kore nenia nairo, naa nenia natoduaa aboitiere Papa, kake kore nenia niasias naa nenia nitining'o ta papa linchi.>>

Asat 1:22

ang'asu ta nkata apa naipatisicho ꞉Yoana, ana metabaki mparri apa nawaki Yeso aaitung'aa iyioo. Kore ilo tung'ani, naa keaku lobo olimu tenebo o iyioo sipata e mpiunoto e lkiye lenye.>>

Asat 10:41

Eitu eicho ꞉Nkai ninye metoduaa ꞉ltung'ana pooki le Isirael, mara ake lolo ootegelua apake payie etum aatilikoi sipata naipirita ninye. Naa iyioo taa lolo, oaatamata nikitama ndaa tenebo o ninye eidipa atipiu taatua lootuata.

Asat 2:32

Kore ele Yeso naa keitipiwua Nkai ninye, naa ikilimu iyioo pooki sipata e inia.

Asat 3:15

Kake kore ilo oing'uaa ꞉nkichui niarar, neitipiu ꞉Nkai ninye taatua lootuata, nikiata iyioo sipata e inia.

Asat 5:32

Kore iyioo o Ltau Sinyati oichoo ꞉Nkai lolo ooibung rerei lenye, naa ikilimu sipata ee kuna baa.>>

Rroman 8:3

Kore apa inia toki nemeidim nkitanapat e Nkai aataas tankaraki nachal ꞉mpukunoto ang torno, neas Nkai. Naa ana etaasa Nkai, ketalakua iyioo to ngolon e ng'oki natii atua sesen lo ltung'ani airriuu Nkerai enye nayewuo eata sesen oinyunyukore mpukunoto e sesen loo ng'ok, payie etum ataa lasar ooitayiaki tankaraki ng'ok ang.

Lgalatia 4:4

Kake kore apa payie ebau nkitabaroto e ng'amata, nereu ꞉Nkai Nkerai enye natiiwua ꞉nkitok. Neini metowuana taabori nkitanapat e Musa,

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

2 Timoti 1:10

kake /keibalunyieki taata, payie elotu Laitejeunoni lang Kristo Yeso nkop, nemir lkiye, neibalunyie ninye too Lomon Supati nchere, ikinchu ntarasi, nimikiye aikata.

Tito 1:2

Kore ana dedei naa keicho ninche siligi le nkichon ee ntarasi, le lekutuk oitayia apa ꞉Nkai ewuon apake eitu eitibiruni nkop, nemesapicho Nkai.

1 Petero 5:1

Kore ara nanu lpayian le nkanisa, nara sii lobo oata sipata naipirita sina oatama apa Kristo, nara long'arieki nkitoo naibalunyieki kenya, kaitaarriyian naa taata lpayiani linchi le nkanisa ajo inji:

1 Yoana 1:1

Kore ilo otii apake ta ng'asunoto, nikitining'o, nikitoduaa too nkonyek ang, nikimbung'a taa nkaik ang, naa ninye ilo rerei le nkichui likilikoo.

1 Yoana 2:25

Naa kore lekutuk oitaka ninye iyioo naa ele: nkichon ee ntarasi.

1 Yoana 3:5

Naa iyielolo ntae aajo keibalunyieki apa Yeso payie eoru iyioo ng'ok ang, nemeata ꞉ninye ng'oki.

1 Yoana 3:8

Kore pooki oche aas ng'ok naa le Chitani, amu kore Chitani naa keasita ng'ok apake pee eji ninye ilo. Kore payie /eibalunyieki Nkerai e Nkai naa payie eitarruoo siaai e Chitani.

1 Yoana 4:14

Naa ikitodua nikilimu aajo keterewua Papa Nkerai enye metaa Laitejeunoni le nkop.

1 Yoana 4:2

Naa ana iyielounyienyie Ltau le Nkai: Kore ltau pooki oibalunyie ajo keyewuo Yeso Kristo era ltung'ani naa le Nkai,

1 Yoana 5:11

Naa ana inia sipata nchere keichoo iyioo Nkai nkichon nemeiting naa kore ana kichon naa atua Nkerai enye etii.

1 Yoana 5:13

Kaigeroka ntae kuna baa, ntae taa ooiruk nkarna e Nkerai e Nkai, payie iyielouu aajo iatata nkichon ee ntarasi.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.