1 Timoti 6:10 - Samburu

¹⁰ Amu kore lubo ee ropiyiani naa ninye eing'uaa ntorrok pooki. Kore ltung'ana lbata ereuta inia lubo ee ropiyiani, nepong'ori to nkurukoto neyaki ate sina kitok.

1 Timoti 6:10 ပူးပေါင်းရင်းမြစ်များ

Matayo 13:22

Kore lkuku ootodokita lantarara atua, naa ltung'ani oning ilo rerei, kake kore payie etum irran e ana kop o mpong'ori e parakuoicho, neiding'aki, negor ilo rerei, metaa meiu lng'anayio.

Matayo 23:13

<

Matayo 6:19

<

Marko 4:19

kake kore pee ejing ꞉mbaa e ana kop o mpong'ori e parakuoicho o lng'uarra loo nkulie tokitin ltauja, neiding'aki, negor ilo rerei metaa meiu lng'anayio.

Lkolosae 3:5

Kore ntoki pooki e mpukunoto inchi nara ne nkop entar metua! Entar naa metuata, mboita e sesen namara na lpayian o ntomononi enye o asat pooki ee aanyit o ntolo o lng'uarra o yieunot torrok o lubo, aa ninye taa sayiata ee nkaitok e sapare.

1 Timoti 3:3

namara lamerani, nemericho kake kebor, nemeichankara, nemelubo ropiyiani,

1 Timoti 6:21

naa kore lbata, netopong'ori aaing'uaa nkurukoto tankaraki nairukurukore inia ng'eno. Metaa munyani e Nkai tenebo o ntae pooki.

1 Timoti 6:9

Naa kore lolo tung'ana oong'uar payie eaku parakuo, naa kedoki atua ntemat o rruachet ee ng'uarrat kumo e madai naaricho, naayaki ninche lkiye o mutai.

2 Timoti 3:2

Keaku ltung'ana ltung'ana oaacham ake ate aapeny, nelubo ropiyiani, neimer, neikar, nedekicho, nemening ntoiwuo enche, nemeata nache. Nemeitaa toki mbaa e Nkai,

2 Timoti 4:10

Amu kore Demas, naa kaatung'ayie alo lkerenket le Tesalonike, tankaraki nacham mbaa e nkop. Nechomo Keresekenes nkop ee Lgalatia, nelo Tito nee Dalmatia.

Tito 1:11

Meata ajo mijoki metiripa nkutukie, amu keing'oling'olita nkang'ite eiteng'enicho mbaa nemeyiere neiteng'enicho tankaraki keiyieu ninche netum ntoki to nkoitiei e monkoichio.

Yakobo 5:19

Lalachera o nkanachera ainien, kore teneatae aikata taatua ntae ltung'ani otopong'ori aing'uaa sipata neatae ltung'ani otirrinyua,

Yuda 1:11

Oi siake ninche! Amu keima nkoitiei e Kain, netapalikita ate ntorno e Balam, aa inia torno taa e lubo nayieu payie elaki. Netanya ꞉ninche Kristo, neidakieki tana neikunaki Kora payie eany Musa.

Mbolunoto 18:13

Nemeatae loinyiang'u mpukunot pooki e ila enche naarropil o naichi e lmusabibu naamati o mpukunot pooki ee ndaki. Nemeatae loinyiang'u nkichu enche o nkerra o mbartan o nkarrin naayiataa ꞉mbartan o ltung'ana.