1 Timoti 5:17 - Samburu

¹⁷ Kore lolo payiani oorikorita nkanisa aaitibiraki naa keichiaakino neichori nkanyit neitokini aalak, nelus lolo oonyok aalikoo rerei le Nkai, neiteng'enicho.

1 Timoti 5:17 ပူးပေါင်းရင်းမြစ်များ

Matayo 24:25

Entodol naa ana, amu katilika ntae ewuon eng'or.

Luka 10:7

Entewueni te inia aji, ninyanya nimatmat ntoki naichori ntae, amu kore laasani le siaai naa keichiaakino payie elaki. Emipuo aarukurukoo nkajijik.

Luka 12:42

Nejoki ꞉Laitoriani, <

Yoana 4:38

Naa kairruayie ntae entudung neitu iunun, naa ketonyua apa lkulikae aas siaai ogol, niwaita lng'anayio le nkinyinyiret enche.>>

Asat 11:30

Neas ninche inia natamakinete, neitanap Barnabas o Saulo inia reto meeyaki lpayiani le nkanisa.

Asat 20:35

Kore tee nenia pooki nataasa naa kaitodolita ntae ajo meata ajo mikiret loomena aas siaai oleng, kiparru rerei la Laitoriani Yeso payie ejo, >>

Asat 28:10

Naa kore tankaraki ana, neicho iyioo nkanyit kitok oleng, naaku kore payie eaku kinyuototo kenya aapuo ta nkae meli, neitanap iyioo ntoki pooki nikiyieu te inia oitiei.

Rroman 12:8

Kore ilo oitogol lkulie, nchoo eitogol te inia kichooroto enye, naa kore ilo oichooyo, nchoo eichooyo ta ltau supat, kore ilo oitacheki lkulie ta nkanisa, nchoo eitacheki to nyuata, kore ilo oing'er, nchoo eing'er te ng'ida.

Rroman 15:27

Ketachamaitie ninche pee eas inia, naa kedede keata sile enche. Amu kore tanaa ketang'arie ltung'ana le Yerusalem mayianat e Ltau ltung'ana loo loreren, keichiaakino sii payie eret ꞉ninche ltung'ana le Yerusalem too ntokitin naayieu.

Rroman 16:12

nirorokiki Tiripena o Tiriposa, ntomonok naasicho to nyuata taatua Laitoriani, nirorokiki Peris ntomononi nachami, inia natonyuaa taatua Laitoriani,

1 Lkorinto 15:10

Kake kara nanu ntoki nara tankaraki munyani e Nkai, naa kore inia munyani naaichoo Nkai, eitu eaku ne pecheu. Katonyua alang ninche pooki, naa mara nyuata ai nataasa inia, kake munyani e Nkai nati tenebo o nanu.

1 Lkorinto 16:16

entodoi ate taabori rikore ee ltung'ana ootuwuana lolo, o lkulie sii ooisiaaicho tenebo o ninche.

1 Lkorinto 3:9

Amu laisiaayiak le Nkai oaasicho tenebo kira iyioo, nirara ntae lchampa lenye o nkaji natecheta ninye.

2 Lkorinto 6:1

Kore kiasicho tenebo o Nkai, ikintaarriyian ntae payie meaku munyani e Nkai nitang'amaitie ne pecheu.

Lgalatia 6:6

Kore ilo oiteng'eni rerei, nchoo metang'arie ꞉ninye laiteng'enani lenye mbaa pooki supati.

Lpilipi 2:16

tinimbung'bung aitibiraki rerei le nkichui. Naa keaku inia rrepet ai ta mparri e Kristo, tankaraki eitu eaku nyuata o nkinyinyiret ai ne pecheu.

Lpilipi 2:29

Entang'amai naa te ng'ida sapuk ninchocho ltung'ana pooki ootuwuana ninye nkanyit.

Lpilipi 4:3

Kore sii iyie sotua lai odede laasichere, kaamon teretu kuna tomonok metining'oto. Ketonyua aaitubulaa Lomon Supati le Nkai tenebo o nanu o Kilement o lkulie aisiaayiak likiasicho tenebo, ootii nkarn enche mbuku e nkichui.

1 Timoti 3:5

Amaa tenemeyielo ltung'ani ataramata nkang enye, kaji eiko tenaramat nkanisa e Nkai?

1 Timoti 4:10

Kore tankaraki inia, ikiasita siaai to nyuata o te nkinyinyiret, amu Nkai naichu etii siligi lang, laa ninye Laitejeunoni loo ltung'ana pooki, neisul too ꞉lolo ooiruk ninye.

1 Timoti 4:14

Mintololoki inia kichooroto nikitii atua, nikinchooki apa ta naibon payie kinteleki lturrur laa lpayiani le nkanisa nkaik.

1 Timoti 4:16

Toduaa koon o nkiteng'ena ino, niwuon taatua nenia baa, amu kore tinias nejia, naa intejeu koon o lolo likining iyie.

1 Timoti 4:6

Kore tininteng'en lalachera o nkanachera kuna baa, niaku laisiaayiani supat le Kristo Yeso, neitodolu inia ajo itubulua taatua rerei le nkurukoto o le inia kiteng'ena supat nirukurukore.

1 Timoti 5:19

Ming'amaa ajo kedede rerei opiki lpayian le nkanisa, mara itumo sipata too ltung'ana oare tanaa okuni.

1 Timoti 5:3

Iyanyita nenia oilia nemeata ltung'ani oibung'uta.

2 Timoti 2:6

Kore ltung'ani onyok aas siaai la lchampa, naa ninye lekue oyieri payie etum orati e ndung'ure.

2 Timoti 4:2

tilikoi rerei le Nkai. Tonyuaa tilikoi ta nkata naichiaakino o ta nkata nemeichiaakino, tobuaaki ltung'ana, ntaarriyiana, nintogol. Taasa kuna baa, te ng'iriata kitok ninteng'enicho mbaa pooki.

Lburania 13:17

Entining larikok linchi nintodoyioyio ate taabori ninche, amu ntae eirrita eyielo aajo keipar kenya ꞉Nkai. Entining ninche payie etumoki ninche aataas siaai lenche te ng'ida meata long'unyung'unyi, amu mesupataki ntae inia.

Lburania 13:24

Eroroki larikok linchi pooki o sinyat le Nkai. Keiroroki sii ntae lolo ooing'uaa nkop e Itali.

Lburania 13:7

Entaparru larikok linchi ootilikita ntae rerei le Nkai. Eng'ura lwuenet lenche, nirukuruk ana nairuko ninche.