1 Timoti 5:11 - Samburu

¹¹ Kake tanya iinger nkoilia leleru, amu kore payie eitore ng'uarrat e sesen neitoorere ate Kristo, neyieuu neigili aayem.

1 Timoti 5:11 ပူးပေါင်းရင်းမြစ်များ

1 Timoti 4:3

Nemitiki ltung'ana eyemicho, neitoki sii aamitiki enya mbata ee ndaki naaitayia Nkai payie eng'amaa ta nache ꞉lolo ooiruk neyielo ndedei.

1 Timoti 5:12

Naa kore tankaraki inia, neyaki ate nkiguana torno amu ketigila lekutuk lekue lenche oitaitua payie eigeri.

1 Timoti 5:14

Naaku kayieu payie eigili aayem nkoilia leleru, netum nkera, neramat nkang'ite enche, payie metum ꞉lmang'antita mpaach naitamie ninche anyit.

1 Timoti 5:9

Kore nkoilia naaichiaakino netum reto ta nkanisa, nchoo metaa nkoiliai naiputaka larin ntomoni ile inger, naa nayema apa lpayian obo.

Yakobo 5:5

Itibiko ntae to nkop inyanya lkar nitodokita katukul, nitijing'a loikar aaitipir ate ana looyieng'i.

2 Petero 2:18

Amu kore lolo tung'ana eimer too lomon lemeitoki, neirukurukore ng'uarrat e mpukunoto torno e ltung'ani, nesapaa lolo oaataa keilany ltung'ana oaas ntorrok metaasa mbaa e anyit.

Mbolunoto 18:3

amu etamata lochon pooki naichuo e loloito enye, neng'uar aas loloito o ninye. Kore lkinkii le nkop, neas loloito o ninye, netaa lolo ooinyiang'icho nemiricho garsisi tankaraki parakuoicho enye.>>

Mbolunoto 18:7

Nchoo ninye sina o lkichirai aiputaki, aitirisioki ilo kar oatama o nkikarra naikarra ajo, Amu kewuon ake eliepunye koon ajo,

Mbolunoto 18:9

Kore tenedol lkinkii pooki le nkop oaatama rraa netaasa loloito o ninye mpuro enyeita ninye nkima, nebuak te lkichirai aaichiraki ninye.