1 Timoti 5:1 - Samburu

¹ Mikurrakino lpayian kitok te iyie, kake irorie ninye ana ninko papa lino. Ntaarriyiana ltung'ana leleru ana ninko lalachera linono,

1 Timoti 5:1 ပူးပေါင်းရင်းမြစ်များ

Matayo 23:8

Kake emincho meipoti ntae aajo amu lobo ake Laiteng'enani linchi, nirara ntae lalachera.

Asat 14:23

Negelu ꞉Paulo o Barnabas larikok tee nenia anisani neen nkutukie aaomonoki, nepiki atua nkaina e Laitoriani ilo otipika ꞉lolo arikok nkurukoto.

Asat 15:4

Kore payie epuonu Paulo o Barnabas Yerusalem, neng'amaa ꞉nkanisa o Lkipaareta o lpayiani ninche. Neliki mbaa pooki naataasie Nkai ninche.

Asat 15:6

Netumo lkipaareta o lolo arikok le nkanisa aadol naas tana bae.

Asat 20:17

Kore etii Mileto, nereu lkilikuai Epeso, meipotuni lpayiani le nkanisa.

Rroman 13:7

Enchoo pooki ng'ae ntoki naichiaakino neichori: Kodin naapaapaacha too lolo oaalaakini kodi, ninchocho nkanyit lolo ooichiaakino nkanyit, ninchocho rrepeta lolo ooichiaakino rrepeta.

Lgalatia 6:1

Lalachera lainien, tenerriaakino lobo linchi ng'oki, kore ntae oara botoro taatua nkichon e Ltau Sinyati, embung'a ninye nirrinyokiki atua mbaa supati to mborron. Nirrita sii koon payie mirriakino atua ntemat.

1 Timoti 5:17

Kore lolo payiani oorikorita nkanisa aaitibiraki naa keichiaakino neichori nkanyit neitokini aalak, nelus lolo oonyok aalikoo rerei le Nkai, neiteng'enicho.

1 Timoti 5:2

nirorie ntomonok arrarrin ana ninko ng'utunyi o ntomonok leleru ana ninko nkanachera inono, te sinyaticho pooki.

Tito 2:2

intaarriyian lpayiani arrarrin metaa looiririki mbaa, neiririkino nkanyit, netem mbaa, neichiaari mbaa to nkurukoto o te nchaman neata ng'iriata nairirikino.

Tito 2:6

Nejia aitoki nkuna lewa leleru, ntaarriyiana metaa lootemu mbaa.

Yakobo 3:17

Kake kore inia ng'eno naing'uaa chumata, kore nekue naa keisinyati, neyau sii seriani o ng'iriata nening'icho, neata lng'er neiu lng'anayio supati, nemeata ngela nemeitaakino.

Yakobo 5:14

Keatae lomuai taatua ntae? Enchoo eipot lpayiani le nkanisa metoomonoki ebukoki lata ta nkarna e Laitoriani.

1 Petero 5:1

Kore ara nanu lpayian le nkanisa, nara sii lobo oata sipata naipirita sina oatama apa Kristo, nara long'arieki nkitoo naibalunyieki kenya, kaitaarriyian naa taata lpayiani linchi le nkanisa ajo inji:

2 Yoana 1:1

Kore ana palai naa keing'uaa lochi payian arrarri. Kairoroki nkitok nageluno o nkera enyena nacham katukul, namara nanu ake apeny oacham, kake kecham abaki lolo pooki ooyielo ndedei,

3 Yoana 1:1

Kore ana palai naa lochi payian arrarri eing'uaa. Kaairoroki iyie Gayo, sotua lai lacham te ndedei.

Mbolunoto 4:4

Kore ilo orika le nkitoo, neigilu lkulie orikan le nkitoo 24 oowuenita lpayiani kutuaa 24. Neichopito pooki nankan naaibor neata nkopiyiani e saabu e nkitoo.