1 Timoti 4:6 - Samburu

⁶ Kore tininteng'en lalachera o nkanachera kuna baa, niaku laisiaayiani supat le Kristo Yeso, neitodolu inia ajo itubulua taatua rerei le nkurukoto o le inia kiteng'ena supat nirukurukore.

1 Timoti 4:6 ပူးပေါင်းရင်းမြစ်များ

Matayo 13:52

Nejoki, <>

Luka 1:3

Tankaraki inia, kore aidipa nanu atisipu nenia baa pooki ta ng'asunoto, nadol sii nanu ajo, keiririkino payie aaigeroki iyie Teopilo kitok oyanyiti, to nkoitiei naipidari.

Asat 1:15

Kore mparri nabo, neitache Petero taatua lalachera o nkanachera oaabaki ltung'ana ip nabo o tikitam, nejo,

Asat 20:31

Naaku naa entirripicho iparrurru aajo kore taa larin okuni eitu apal maitaarriyian pooki ng'ae linchi kuarie o parkiji aichirita.

Asat 20:35

Kore tee nenia pooki nataasa naa kaitodolita ntae ajo meata ajo mikiret loomena aas siaai oleng, kiparru rerei la Laitoriani Yeso payie ejo, >>

Rroman 15:15

Kake kore eyia, kaigeroka ake ntae aaitieu, aitaparru ntae nkuti baa. Kataasa inia tankaraki munyani naaichoo ꞉Nkai,

1 Lkorinto 4:17

naa tankaraki inia payie airruaaka ntae Timoti, nkerai ai nacham naisiligai ta Laitoriani. Keitaparru ntae naikunari tanairukurukore Yeso Kristo, ana naiteng'enicho chiaake taa nkanisani to ng'oji pooki.

2 Lkorinto 11:23

Kera ninche laisiaayiak le Kristo? Kore tanairo aiko nchi, naa kairorita ana lmadai. Kara laisiaayiani lenye alang ninche, natonyuaa aas siaai alang ninche. Kaateenaki te jila alang ninche, naaidong'oki alang ninche, natinyikaka nkatitin kumo lkiye.

2 Lkorinto 3:6

Keidimie ninye iyioo mataa laisiaayiak lo lning'o ng'ejuk, lemeirichakino nkitanapat naaigero kake Ltau Sinyati eirichakino. Amu kore nenia kitanapat naigero naa lkiye eyau, kake Ltau Sinyati oicharu nkichui ng'ejuk.

2 Lkorinto 6:4

Kake kore to ntoki pooki nikias nikintodolu aajo ikira laisiaayiak le Nkai, kintirring'a aang'iri tinikitum nyamalitin, o tenegoliki iyioo mbaa o tenenya iyioo sina.

Epeso 6:21

Kore lalache lai lacham oji Tikiko, oara laisiaayiani oisiligai taatua Laitoriani, kelotu anyaki ntae mbaa ainien pooki, payie itumtum lomon lainien, niyielouu natiu.

Lpilipi 2:20

Maata likae tung'ani oata mbaa inchi taatua ltau lenye katukul ana ninye.

Lpilipi 2:22

Kake itisiputua ntae maate ajo ketaasa aitibiraki siaai aitubulaa Lomon Supati tenebo o nanu ana neiko nkerai teneasicho o menye.

Lpilipi 3:16

Kore nayiere naa tinikipuo kue kimbung inia nikindipa aateyielo.

Lkolosae 2:19

Nemeibung'are ꞉ninye Kristo, laa ninye nkue naa te ninye ebulu sesen pooki ana naitubulu Nkai. Keitubulu ilo sesen eramat neruburub too mpit o too marloochi.

Lkolosae 3:16

Enchoo rerei le Kristo metowuana taatua ntae te garsisicho, inteng'enana, niutaroro taatua ng'eno pooki, niranyrany sinkoliotin le Nkai o le nkisisa o looing'uaa ꞉Ltau Sinyati, aaranyaki Nkai iatata nache.

Lkolosae 4:7

Keliki ntae Tikiko lomon lainien pooki. Kera ninye lalache lang lacham, nera laisiaayiani oisiligai neasicho tenebo o nanu taatua Laitoriani.

1 Ltesalonike 3:2

nikimpaaki ntae Timoti, lalache lang oisiaai Nkai tenebo o iyioo te likoroto ee Lomon Supati le Kristo, meitogolo neitaarriyian ntae to nkurukoto inchi.

1 Timoti 1:10

Neitayiaki sii tankaraki ltung'ana oaas loloito o lewa oaas loloito o lkulie lewa o loomir ltung'ana metaa rrindiki o lolo oaasapicho o lolo oaanya lmumai le sapare o nkae toki pooki napaachere nkiteng'ena nadede.

1 Timoti 4:16

Toduaa koon o nkiteng'ena ino, niwuon taatua nenia baa, amu kore tinias nejia, naa intejeu koon o lolo likining iyie.

1 Timoti 6:3

Kore tenetii ltung'ani oiteng'enicho nkiteng'ena e sapare nemeiririkino rerei odede la Laitoriani Yeso Kristo o nkiteng'ena naicho Nkai nkanyit,

2 Timoti 1:6

Naa inia paaitaparru iyie payie intipij inia kichooroto e Nkai, inia nikitii atua nitumo payie aaiteleki nkaik aainien.

2 Timoti 3:10

Timoti, kore aaitamitae sina naatumuto mbaa naagol te lkerenket le Antiok o le Ikoniam o le Lisitira, naa ikirukurukore ake iyie nanu, iduaaya nkiteng'ena ai niduaaya naikunari o nyuata ai o nkurukoto o ng'iriata o nchaman o nkitachoto ai. Kalo sina sa eitu ang'iri? Kake kore eyia, kaatalakua ꞉Laitoriani taatua pooki.

2 Timoti 4:3

Amu kelotu kenya nkata nemeidimare ltung'ana nkiteng'ena nadede. Kore neas ninche, naa ng'uarrat enche erubare neiturrurroki ate laiteng'enak oojo mbaa naayieu nkiyiaa enche nening.

Tito 2:1

Kake kore iyie, nteng'enicho mbaa naaichiaari e nkiteng'ena nadede,

1 Petero 2:2

Kore ana nayieu nkera kunini naatiwuaki kule, entaa loaata yieuna e rerei osipa le Nkai, paa kore imatmat nibululu payie ing'amaa inia jeunoto,

2 Yoana 1:9

Kore pooki ng'ae olo kue nemewuon taatua nkiteng'ena e Kristo naa meata Nkai. Kake kore pooki owuon taatua inia kiteng'ena naa keata ꞉ninye Papa o Nkerai.

Yuda 1:5

Kore abaki iyielolo ntae kuna pooki, naa kaitaparru ake ntae nchere keitejewua apa ꞉Laitoriani ltung'ana lenyena alaku ang'as to nkop e Misiri, kake neitoki aidakie tesiedi lolo leitu eiruk.