1 Timoti 4:4 - Samburu

⁴ Amu kore ntoki pooki naitibira Nkai naa keisupat, nemeata ntoki naanyi teneng'amari ta nache,

1 Timoti 4:4 ပူးပေါင်းရင်းမြစ်များ

Asat 10:15

Neitoki ilo ltoilo ajoki ninye nkata e are ejo, <>

Asat 15:29

eminya ndaa naitakaki nkaitok e sapare, nimimatmat lodo, niminyanya nkiri ee suom o nee ng'uesi naatogoroki, nimiboitarere likae tung'ani te sesen mara ake ntomononi ino anaa lpayian lino. Tinintapaacherere ate kuna baa naa iasitata nairirikino. Lesere naa.

Asat 21:25

Naa kore too ltung'ana loo lkulie oreren ooiruko, naa ikingerokita ninche mpalai nikiimie nchere, keyiere payie epaachere ndaa naitakaki nkaitok ana lasar, nememat sii lodo, neitoki apaachere nkiri ee suom o nee ng'uesi naatogoroki, nemeboitare likae tung'ani te sesen mara ake ntomononi enye o lpayian lenye.>>

Rroman 14:14

Kayielo, naata sipata naing'uaa Laitoriani Yeso nchere, meatae ntoki torno tenenyae. Kake kore te ilo oiken ajo menyae, neaku torno te ninye.

Rroman 14:20

Mintarruoo siaai e Nkai tankaraki ndaa. Kedede keisupati ntokitin pooki, kake keitorno to ltung'ani oanya ndaa eitanyamal koon.

Rroman 14:6

Kore ilo odol ajo keata nkai parri tipat alang nkulie, naa keas inia payie etum ayanyita Laitoriani. Naa kore sii ilo oanya nkiri, neas inia payie eyanyit Laitoriani, amu keata nache ta Nkai. Naa kore sii ilo lemenya nkiri, neyanyit Laitoriani menya nkiri, neata sii ninye nache ta Nkai.

1 Lkorinto 10:23

Keidim lobo lang nejo, <> Ee nejia etiu, kake mara ntoki pooki naas naaret. Neidim sii aitoki nejo, <> Ee, kake mara pooki naitogol lkulie.

1 Lkorinto 10:25

Naaku tama ake nkiri pooki naamiri to ng'oji nemirichiereki mimparu aitanyamal ltau lino.

1 Lkorinto 10:26

Amu kejo Lkigerot Sinyat, <>

1 Lkorinto 10:30

Amaa tanaa kaicho Nkai nache tankaraki ndaa, aanyo payie aadeki tananya?

1 Timoti 4:3

Nemitiki ltung'ana eyemicho, neitoki sii aamitiki enya mbata ee ndaki naaitayia Nkai payie eng'amaa ta nache ꞉lolo ooiruk neyielo ndedei.