1 Timoti 4:3 - Samburu

³ Nemitiki ltung'ana eyemicho, neitoki sii aamitiki enya mbata ee ndaki naaitayia Nkai payie eng'amaa ta nache ꞉lolo ooiruk neyielo ndedei.

1 Timoti 4:3 ပူးပေါင်းရင်းမြစ်များ

Matayo 14:19

Neitanap ltung'ana metowuana too nkujit. Neitoki arrapu nenia mukateni imiet o sinkirri pukura oare, neimariri chumata, nemayian. Naa kore payie egil nenia mukateni, neicho looiteng'eni lenyena, neitabaki ꞉ninche ltung'ana.

Matayo 15:11

Mara ntoki najing nkutuk naitarruo ltung'ani, kake inia naipung'u to nkutuk enye naitarruo.>>

Matayo 15:36

Nerrapu nenia mukateni sapa o sinkirri, kore payie eidip aichoo Nkai nache, negil, neicho looiteng'eni lenyena. Neitoki ꞉ninche aaicho ltung'ana.

Luka 24:30

Kore etowuana ninye te misa aanya ndaa tenebo o ninche, nerrapu mukate, nemayian, negil, neicho ninche.

Yoana 6:23

Nepuonu nkuti melin eing'uaa Tiberias nkalo ng'oji netamie ltung'ana mukateni, eidipa Laitoriani aichoo Nkai nache.

Asat 27:35

Kore payie eidip atejo nejia, nerrapu mukate, nerrinyoki Nkai nache tekue ninche pooki negil, neng'asu anya.

Rroman 14:17

Amu kore Nkitoria e Nkai naa meipirita ntoki nikinya anaa nikimat, kake kore naipirita naa nchere keitaaki iyioo loosipat nikiata seriani o ng'ida taatua Ltau Sinyati.

Rroman 14:3

Enchoo metaa memen ꞉ilo oanya ntoki ilo lemenya, nemeiguanare sii ꞉ilo lemenya ilo oanya, amu ketang'amayie ninye ꞉Nkai.

Rroman 14:6

Kore ilo odol ajo keata nkai parri tipat alang nkulie, naa keas inia payie etum ayanyita Laitoriani. Naa kore sii ilo oanya nkiri, neas inia payie eyanyit Laitoriani, amu keata nache ta Nkai. Naa kore sii ilo lemenya nkiri, neyanyit Laitoriani menya nkiri, neata sii ninye nache ta Nkai.

1 Lkorinto 6:13

Neidim lbata nejo, <> Kake kore etiu nejia, keidakie Nkai pukura mparri nabo. Kore sesen naa mara payie easieki mboita e sesen nemeichiaakino, kake payie eyanyitieki Laitoriani laa ninye lopeny seseni lang.

1 Lkorinto 7:28

Kake tiniyemicho mara ng'oki itaasa, naa teneyemi nkoliontoi mara sii ng'oki etaasa ninye. Kore lolo ooyemicho naa keimaa sina, naa kajo payie aitapaachere ntae ilo sina.

1 Lkorinto 8:8

Kore ndaa naa meitinyikaki iyioo Nkai, naa tinimikinya meatae ntoki nang'oriki iyioo, naa kore sii tinikinya, meitoki naponikino iyioo.

Lkolosae 2:16

Naaku naa emincho ltung'ani Eiguanare ntae to ntoki ninyanya o nimatmat, tanaa taa ntasimi ee Lyiaudi naanyae ta lari o naanyae ta arre e lapa anaa ta mparri e Sabato.

Lkolosae 3:17

Naa kore pooki niasias, aa taa tee rereii tanaa taa asat, entaas pooki ta nkarna e Laitoriani Yeso, inchocho Nkai Papa nache te ninye.

1 Timoti 2:4

ilo oyieu ninye payie ejeu ltung'ana pooki neyielou ndedei.

1 Timoti 4:4

Amu kore ntoki pooki naitibira Nkai naa keisupat, nemeata ntoki naanyi teneng'amari ta nache,

1 Timoti 5:14

Naaku kayieu payie eigili aayem nkoilia leleru, netum nkera, neramat nkang'ite enche, payie metum ꞉lmang'antita mpaach naitamie ninche anyit.

Lburania 13:4

Keyiere neyanyit pooki ng'ae nkiyema. Nemeata ajo meaku lpayian o ntomononi naaisiligai, amu keiguanare ꞉Nkai ltung'ani oboitere te sesen lpayian anaa ntomononi namara nenye o pooki ng'ae oas loloito.

Lburania 13:9

Emincho eitopong'oo ntae mbaa kumo naapaachere nkiteng'ena ang. Keichiaakino metaa munyani e Nkai etumie ltauja lang ngolon, mara nkibung'ata ee nkitanapat naaipirita ndaa nemeret abaki lolo ooirukurukore nenia kitanapat.