1 Timoti 4:12 - Samburu

¹² Nimincho ltung'ani kimen iyie tankaraki nira lelerie, kake kore te rerei lino o to wuanata ino o te nchaman ino o to nkurukoto ino o te sinyaticho ino, taa nkitanyanyukoto naduaaya lairukok.

1 Timoti 4:12 ပူးပေါင်းရင်းမြစ်များ

Matayo 18:10

Entodol emimen nabo ee kuna kunini. Amu kajoki ntae nchere, kore lmalaikani lenche naa kedol nkata pooki nkomom e Papa lai oti chumata.

1 Lkorinto 11:1

Entoduaayieki ana payie aduaaya nanu Kristo.

Lpilipi 4:8

Kore naidipie, lalachera o nkanachera, entaparrai nenia tokitin naadede o nenia naichiaakino rrepet, nenia ee sipat, nenia nemeata ntioto o nenia naachamaroi. Kore ntoki pooki naichiaakino lwuenet supat o nkanyit, entaparrai inia.

1 Ltesalonike 1:6

Naa itang'asutua apa ntae aairukurukore te nkichon inchi nkoitiei ang o ne Laitoriani. Amu kore abaki iatata sina kitok, naa itang'amaitie rerei te ng'ida naing'uaa Ltau Sinyati,

1 Ltesalonike 2:10

Iatata sipata neata sii Nkai sipata nchere, kore tekue ntae lairukok, naa ikintaitua ate te siaai e Nkai, nikira ltung'ana loosipat, nemeata kusaka naitari iyioo.

1 Timoti 1:14

Netubukua Laitoriani lang munyani enye tenebo o nchaman o nkurukoto nikiata taatua Kristo Yeso.

2 Timoti 2:15

Tonyuaa taa ilo oatachamayie Nkai, ilo aisiaayiani lemenya anyit, olimu aitibiraki rerei le ndedei.

2 Timoti 2:22

Talama ng'uarrat torrok ee ltung'ana leleru, ninyok aaku ltung'ani loosipat, oisiligai, niata nchaman o seriani, tenebo o ꞉lolo ooipot Laitoriani taa ltauja supati.

2 Timoti 2:7

Taparrai najoito, amu ikincho iyie Laitoriani ng'eno taa mbaa pooki.

Tito 2:15

Kore inteng'enicho kuna baa, ntaarriyiana ltung'ana, ning'ode ninche te nkitoria pooki niata. Mincho hooyia ltung'ani kimenu.

Tito 2:7

Kore taa mbaa pooki, ntodolu koon aaku nkitanyanyukoto naduaari taa asat supati. Tininteng'enicho, nteng'enicho ta nkanyit metii ndala,

Yakobo 3:13

Kalo tung'ani taa ntae oara ng'en neata yielounoto? Nchoo eitodolu te lwuenet lenye supat asat enyena naas to mborron naing'uaa ng'eno nagut.

Yakobo 3:17

Kake kore inia ng'eno naing'uaa chumata, kore nekue naa keisinyati, neyau sii seriani o ng'iriata nening'icho, neata lng'er neiu lng'anayio supati, nemeata ngela nemeitaakino.

1 Petero 5:3

Nimimbookiki lolo ootipikaki nkaik inchi nkop, kake entaa nkitanyanyukoto supat naduaaya ninche.