1 Timoti 3:2 - Samburu

² Keyiere naa, neaku larikoni ltung'ani lemeata nakurrieki, lpayian oyema ntomononi nabo ake, neipidari, netemu mbaa, neata nkanyit, neitoomonicho, neyielo aiteng'enicho,

1 Timoti 3:2 ပူးပေါင်းရင်းမြစ်များ

Luka 1:6

Naa kore apa ninche, kera pukura ltung'ana loosipat tekue Nkai, neibung'a nkitanapat o lkerreti pooki la Laitoriani, meata ntioto.

Luka 2:36

Keatae sii apa nkaidetidetani naji Ana, ntito e Panuel e lmarei le Acha. Kore apa ninye, naa keata larin kumo. Keyemaki apa ewuon eitu apake eboitiere lee, neboita o lpayian lenye larin sapa.

Rroman 12:13

Entang'ar ntoki niatata o lolo sinyat lemeitoki eata, niakuku looitoomon lomon taa nkajijik inchi,

Lpilipi 2:15

payie iakuku lemeata nakurrieki nemeata ntioto. Niakuku aitoki nkera naacho e Nkai taatua ltung'ana torrok ootopong'ori, iong'ung'u ana lakir tana kop,

1 Timoti 3:12

Kore laisiaayiani le nkanisa, naa keyiere payie era lpayian oyema ntomononi nabo ake, neramat nkera enyena o nkang enye aitibiraki.

1 Timoti 3:8

Kore sii lkulie aisiaayiak le nkanisa, naa keyiere payie eaku ltung'ana oaayanyitai, nera ltung'ana ooibala rereii, namara lamerak, namara ltung'ana oanya monko.

1 Timoti 4:3

Nemitiki ltung'ana eyemicho, neitoki sii aamitiki enya mbata ee ndaki naaitayia Nkai payie eng'amaa ta nache ꞉lolo ooiruk neyielo ndedei.

1 Timoti 5:10

Netisipuaki aajo ketaasa mbaa supati: keitubulua nkera enyena aitibiraki, neitoomono lomon ta nkang enye, neituko nkejek ee sinyat le Nkai, netereto lolo oaata sina, netonyuaa aas ntoki pooki supat.

1 Timoti 5:22

Mimpirriki aiteleki ltung'ani nkaik apik rikore, nimichulare sii lkulie too ng'ok enche. Rrita koon payie iwuon taatua sinyaticho.

1 Timoti 5:9

Kore nkoilia naaichiaakino netum reto ta nkanisa, nchoo metaa nkoiliai naiputaka larin ntomoni ile inger, naa nayema apa lpayian obo.

2 Timoti 2:24

Naa kore laisiaayiani la Laitoriani meyiere payie enya larrabal, kake payie eaku ltung'ani oibor ocheke to pooki ng'ae, nera laiteng'enani supat, neata ng'iriata.

Tito 2:2

intaarriyian lpayiani arrarrin metaa looiririki mbaa, neiririkino nkanyit, netem mbaa, neichiaari mbaa to nkurukoto o te nchaman neata ng'iriata nairirikino.

Lburania 13:2

Emirikino nkitoomono ee lomon, amu kore te inia oitiei keitoomonita lkulikae lmalaikani meyielo.

Lburania 3:14

Amu ikiata sotua tenebo o Kristo, tinikimbung aaitirrichaki inia sipata nikiata apake tekue payie kiruk ninye, ana metabau nkiting'oto e nkop.

1 Petero 4:7

Ketaa keichunye ntokitin pooki, naaku embooi ate, niakuku ltung'ana oaaparicho aaitibiraki payie itumtum aatoomon.

1 Petero 4:9

Entoomonoto miatata long'unyung'unyi.

1 Petero 5:8

Entaa ltung'ana oaaparricho aitibiraki, nirritata ate amu kore lmang'antita linchi Chitani naa kemanaa ana lng'atuny oipurruto, eyiaya ltung'ani oijioo.