1 Timoti 3:14 - Samburu

¹⁴ Kore aaigerokita iyie ana kitaarriyiana, kaata siligi ajo kalotu nitii kuna naataana.

1 Timoti 3:14 ပူးပေါင်းရင်းမြစ်များ

1 Lkorinto 11:34

Naa kore tanaa keatae lobo linchi oata sumach, nchoo enya ndaa ta nkang enye payie mipikpik ate atua nkiguana e Nkai tinitumomo tenebo. Kore nkulie baa naa kaitaarriyian kenya ntae tanalotu nitii.

1 Ltesalonike 2:18

Naa inia payie ikiyieu nikipuonu nitii. Kore abaki nanu Paulo mara nkata nabo atejo wou, kake neibooyo iyioo Chitani.

1 Timoti 3:13

Kore lolo oaas siaai lenche aaitibiraki, netumoki ate lorika le nkanyit o nkiteunoto kitok to nkurukoto naata taatua Kristo Yeso.

1 Timoti 3:15

Kake kore tanaimalmala, niyielou te inia kitaarriyiana neiko ltung'ana tenewueni ta nkaji e Nkai. Ninye naa nkanisa e Nkai naichu, lng'ope o nkitamanyunoto e ndedei.

1 Timoti 4:13

Kore nias ana mayeu, tonyuaa somaki ltung'ana Lkigerot Sinyat, nintaarriyian, niteng'en.

Pilemon 1:22

Naa kore aitoki, ntibirakaaki ng'oji nalotu awuenie, amu kaata siligi nchere kore to nkomono inchi naa kaapaluni maeu nitii.

Lburania 13:23

Kayieu niyielouu aajo ketalakuaki lalache lang Timoti te jila. Naa kore tanaa kesieku alotu natii, nalotu aisabaki ntae tenebo o ninye.

2 Yoana 1:12

Kore abaki duo aata mbaa kumo naigeroki ntae, kake mayieu naigeroki ntae ta lkalamu o ta mpalai. Kore naa siligi laata, naa payie airorie ntae kiduaa nkomomi neboreii taa ng'ida ang.

3 Yoana 1:14

Kaisilig ajo ikiduaa kuna naataana nikiro king'ura nkomomi.