1 Timoti 2:1 - Samburu

¹ Kore nang'asunyie tekue, naa kaitaarriyianicho paa kore tankaraki ee ltung'ana pooki neichirakini Nkai, neomoni, neomonokini ltung'ana, neichori Nkai nache.

1 Timoti 2:1 ပူးပေါင်းရင်းမြစ်များ

Asat 17:30

Kore apa tekue naa kewa ꞉Nkai ajo meyielo ltung'ana ninye, kake kore taata naa keitarrapita ltung'ana pooki to ng'oji pooki payie eirriidu ng'ok enche neibelekenyakino ninye.

Rroman 1:8

Kore nekue, naa karrinyoki Nkai ai nache ta nkarna e Yeso Kristo tankaraki ntae pooki, amu kelikoritae nkurukoto inchi to nkop pooki.

Rroman 6:17

Kake ache ta Nkai, amu kore apa ntae oaara rrindiki loo ng'ok, nitaa taata looning taa ltauja linchi pooki inia oitiei e nkiteng'ena naichoruaki metuutai ntae.

1 Lkorinto 15:3

Kaitarasaka ntae inia natang'amayie nera netipat oleng, nchere ketua Kristo tankaraki ng'ok ang ana naigero too Lkigerot Sinyat.

2 Lkorinto 8:6

Nikiroyie taa aitaarriyian Tito, payie eidip ele siaai le nchaman oatang'asua apa taatua ntae.

Epeso 3:13

Naaku kajoki ntae payie minchocho egila ntae ltauja tankaraki e sina laatumo tankaraki natilika ntae Lomon Supati, amu ketaase inia payie itumtum ntae rrepeta.

Epeso 5:20

Inchocho Nkai Papa nache ta nkarna e Laitoriani lang Yeso Kristo nkata pooki o taa mbaa pooki.

Epeso 6:18

Entoomon nkata pooki to nkomono inchi pooki, eutaa ntae Ltau Sinyati. Nirripichocho ing'iriri katukul payie itumtum aatoomonoki sinyat nkatitin pooki,

Lpilipi 1:3

Kaicho Nkai ai nache nkata pooki naparru ntae.

Lpilipi 4:6

Emintanyamal ate tae bae, kake kore nkata pooki niomonmon ninchirakiki Nkai, entiliki yieunot inchi inchocho nache.

1 Ltesalonike 3:12

Naa meitubulu ꞉Laitoriani neitodoodooyo nchaman inchi, te likae o likae o too lkulie tung'ana pooki ana nikinkuna iyioo ntae,

2 Ltesalonike 1:3

Lalachera o nkanachera, keyiere nikincho Nkai nache nkata pooki ana naichiaakino tankaraki ntae, amu kebuluta nkurukoto inchi oleng. Kore sii nchaman niatata likae o likae, naa keponari taatua ntae pooki, paa meatae lobo linchi lemebakita.

1 Timoti 2:4

ilo oyieu ninye payie ejeu ltung'ana pooki neyielou ndedei.

1 Timoti 5:5

Kore nkoiliai nemeata ltung'ani oibung'uta, natung'ayieki aa ninye apeny, naa ketipika siligi lenye Nkai elej neomon kuarie o parkiji meichoo reto.

2 Timoti 2:24

Naa kore laisiaayiani la Laitoriani meyiere payie enya larrabal, kake payie eaku ltung'ani oibor ocheke to pooki ng'ae, nera laiteng'enani supat, neata ng'iriata.

Tito 2:11

Amu /keibalunyieki munyani e Nkai, payie eyau njeunoto ee ltung'ana pooki.

Tito 3:2

Nemejo hoo ntoki torno too lkulie, nepaachare lolemilemi, nebor, nera ltung'ana supati katukul too ltung'ana pooki.

Lburania 6:11

Kore nikiyieu oleng, naa metaa meatae hoo lobo linchi lemeitodolu ake inia nyuata payie kimbung ilo siligi odede likiata, ana metabai katukul te nkiting'oto.

Yakobo 5:16

Naaku naa, erriidu ng'ok inchi, imbalakinono likae o likae, niomonokinono payie eichiunyieki ntae. Kore nkomono e ltung'ani loosipat naa keata ngolon oleng.